വിദ്യാഭ്യാസ നയത്തിന്റെ കരട് സമര്‍പ്പിച്ചു
ദില്ലി: സ്‌കൂള്‍ വിദ്യാഭ്യാസത്തില്‍ സമഗ്രമാറ്റത്തിന് ശുപാര്‍ശ ചെയ്യുന്ന വിദ്യാഭ്യാസ നയത്തിന്റെ കരട് സമര്‍പ്പിച്ചു. കസ്തൂരിരംഗന്‍ അധ്യക്ഷനായ കമ്മിഷന്റെ റിപ്പോര്‍ട്ട് കേന്ദ്രമാനവവിഭവശേഷി മന്ത്രി രമേശ് പൊക്രിയാലിന് കൈമാറി. വിദ്യാര്‍ത്ഥിയുടെ അഭിരുചിക്കനുസരിച്ച് ഇഷ്ടമുള്ള ക്ലാസില്‍ സംസ്‌കൃതം പഠിക്കാമെന്നും കരട് രേഖയില്‍ നിര്‍ദ്ദേശമുണ്ട്.
1968 ല്‍ കൊണ്ടുവന്ന വിദ്യാഭ്യാസ നയത്തില്‍ കാതലായ അഴിച്ചുപണി നടത്തിയാണ് പുതിയ നയത്തിന് രൂപം നല്‍കിയിരിക്കുന്നത്. നിലവിലെ പത്ത് -പ്ലസ് ടു രീതി പൊളിച്ചെഴുതുന്ന പുതിയ നയത്തില്‍ വിപ്ലവകരമായ പല മാറ്റങ്ങളും നിര്‍ദേശിക്കുന്നു. പത്ത്, പ്ലസ്ടു രീതിക്ക് പകരം അഞ്ച്, മൂന്ന്, മൂന്ന്, നാല് എന്നിങ്ങനെയായിരിക്കും പുതിയ വിദ്യാഭ്യാസക്രമം.
അതായത്. ഒന്നുമുതല്‍ അഞ്ച് വരെ പ്രൈമറി, ആറുമുതല്‍ എട്ട് വരെ അപ്പര്‍ പ്രൈമറി, 9, 10 ക്ലാസുകള്‍ സെക്കന്ററിയും പതിനൊന്ന്, പന്ത്രണ്ട് ഹയര്‍സെക്കന്ററിയായി കണക്കാക്കുന്ന രീതി അപ്പാടെ മാറും. പകരം മൂന്നുമുതല്‍ പതിനെട്ട് വയസുവരെ പ്രായമുള്ള വിദ്യാര്‍ത്ഥികളെ നാല് വിഭാഗമാക്കി തിരിക്കുന്നതാണ് പുതിയ രീതി.
ഇതിന്‍ പ്രകാരം ഒന്ന്, രണ്ട് ക്ലാസുകള്‍ പ്രീപ്രൈമറി വിഭാഗത്തിലും, മൂന്ന്, നാല്,അഞ്ച് ക്ലാസുകള്‍ ലേറ്റര്‍പ്രൈമറിയിലും, ആറ്, ഏഴ്, എട്ട് ക്ലാസുകള്‍ അപ്പര്‍പ്രൈമറി വിഭാഗത്തിലും ഉള്‍പ്പെടുത്തും. ഒന്‍പത് മുതല്‍ പന്ത്രണ്ട് വരെയുള്ള ക്ലാസുകള്‍ സെക്കന്ററി വിഭാഗത്തിലാണ്. സെക്കന്ററിയില്‍ സെമസ്റ്റര്‍ സമ്പ്രദായം ഏര്‍പ്പെടുത്തണമെന്നും കരടില്‍ നിര്‍ദ്ദേശമുണ്ട്.
പരീക്ഷാ രീതിയിലും അദ്ധ്യാപകരുടെ പരിശീലനപരിപാടിയിലും കാതലായ മാറ്റങ്ങള്‍ കരടില്‍ നിര്‍ദ്ദേശിക്കുന്നുണ്ട്. 2017ലാണ് വിദ്യാഭ്യാസനയത്തില്‍ സമഗ്രമായ മാറ്റം ലക്ഷ്യമിട്ട് കസ്തൂരിരംഗന്‍ കമ്മീഷനെ കേന്ദ്രസര്‍ക്കാര്‍ ചുമതലപ്പെടുത്തിയത്.
"രാഷ്ട്രത്തിന്റെ ഇരുകണ്ണുകളാണ് ദേശീയതയും ദൈവീകതയും" എന്ന അടിയുറച്ച പ്രഖ്യാപനത്തിലൂടെ തമിഴ്നാട്ടിൽ ദേശസ്നേഹത്തിന്റെ അഗ്നിപടർത്തിയ മഹത് വ്യക്തിത്വമാണ് പസുംപൊൻ അയ്യാ മുത്തുരാമലിംഗ…
ഇന്ത്യയുടെ ബഹിരാകാശ ചരിത്രത്തിൽ നിർണായകമായ മറ്റൊരു അധ്യായത്തിന് ഇന്ന് രാത്രി ശ്രീഹരിക്കോട്ട സാക്ഷിയാകും. ഇന്ത്യയുടെ സ്വന്തം ഉപഗ്രഹ നാവിഗേഷൻ സംവിധാനമായ…
ഇന്ത്യൻ രാഷ്ട്രീയത്തിൽ വാക്കുകൾക്ക് വലിയ പ്രാധാന്യമുണ്ട്. പ്രത്യേകിച്ച് ദേശീയതലത്തിലുള്ള നേതാക്കൾ പൊതുവേദികളിലും സമൂഹമാധ്യമങ്ങളിലും നടത്തുന്ന പരാമർശങ്ങൾ വലിയ ചർച്ചകൾക്ക് വഴിവെക്കാറുണ്ട്.…
പെൻഷൻകാർക്ക് അവകാശപ്പെട്ട 2021 ജനുവരി മുതലുള്ള തടഞ്ഞുവെച്ച ക്ഷാമശ്വാസം അനുവദിക്കുക, പെൻഷൻ പരിഷ്കരണ നടപടികൾ ആരംഭിക്കുക, മെഡിസെപ്പ് പദ്ധതിയിലെ അപാകതകൾ…
മുൻ ബംഗ്ലാദേശ് പ്രധാനമന്ത്രി ഷെയ്ഖ് ഹസീന രാജ്യംവിട്ടതിന്റെ ദൃശ്യങ്ങളുമായി ബന്ധമുണ്ടെന്ന് റിപ്പോർട്ട് ചെയ്യപ്പെട്ട മുൻ വ്യോമസേനാ ഉദ്യോഗസ്ഥൻ കെ.എം. തഹ്സിഫ്…
സമാജ്‌വാദി പാർട്ടി നേതാവും ഉത്തർപ്രദേശ് മുൻ മന്ത്രിയുമായ അസം ഖാനുമായി ബന്ധപ്പെട്ട മൊഹമ്മദ് അലി ജൗഹർ സർവകലാശാലയുടെ ഭൂമിയും കെട്ടിടങ്ങളും…