ഏഴ് പതിറ്റാണ്ട് നീണ്ട നിസ്വാർത്ഥ സേവനം!! ഗുരുസ്വാമി കുളത്തിനാൽ ഗംഗാധരൻ പിള്ളയ്ക്ക് പ്രൗഢ ഗംഭീരമായ യാത്രയയപ്പ് ; ആദരവുമായി പന്തളം കൊട്ടാരം

പന്തളം: ശബരിമല അയ്യപ്പൻ്റെ തിരുവാഭരണങ്ങൾ വഹിച്ചുള്ള പുണ്യയാത്രകളിൽ ഏഴ് പതിറ്റാണ്ടോളം കാലം നിറസാന്നിധ്യമായിരുന്നതും കഴിഞ്ഞ ഇരുപത് വർഷത്തോളമായി വാഹകസംഘത്തിൻ്റെ പരമ്പരാഗത ഗുരുസ്വാമിയുമായി സേവനമനുഷ്ഠിച്ച കുളത്തിനാൽ ഗംഗാധരൻ പിള്ളയ്ക്ക് പന്തളം കൊട്ടാരം നിർവ്വാഹക സംഘം ഒരു വിരമിക്കൽ ചടങ്ങ് നൽകും.

അദ്ദേഹത്തിൻ്റെ അർപ്പണബോധത്തിനും അമൂല്യമായ സേവനത്തിനും ആദരവ് അർപ്പിച്ചുകൊണ്ടുള്ള ചടങ്ങ്, 2025 ഡിസംബർ 6-ാം തീയതി ശനിയാഴ്ച വൈകുന്നേരം, 6.30 ന് പന്തളം വലിയകോയിക്കൽ ക്ഷേത്ര സന്നിധിയിൽ വെച്ച് നടക്കും

ശബരിമല തീർത്ഥാടന ചരിത്രത്തിൽ തന്നെ അവിസ്മരണീയമായ ഒരു അദ്ധ്യായമാണ് ശ്രീ. ഗംഗാധരൻ പിള്ളയുടെ സേവനകാലയളവ്. കൊട്ടാരത്തിൽ നിന്ന് തിരുവാഭരണങ്ങൾ പേടകം പേറി, പരമ്പരാഗത പാതയിലൂടെ പമ്പ വരെ കാൽനടയായി കൊണ്ടുപോകുന്ന ഈ പുണ്യകർമ്മം, അങ്ങേയറ്റം ഭക്തിയോടെയും നിഷ്ഠയോടെയുമാണ് അദ്ദേഹം ഈ കാലമത്രയും നിർവ്വഹിച്ചത്