നാണമില്ലേ സർക്കാരേ, പിച്ചച്ചട്ടിയിൽ കൈയിട്ട് വാരാൻ ?

പെൻഷൻ നൽകാത്തതിൽ വേറിട്ട രീതിയിൽ ചട്ടിയുമായി പ്രതിഷേധിച്ച മറിയകുട്ടിയമ്മ തെല്ലൊന്നുമല്ല സംസ്ഥാന സർക്കാരിനെ മുൾമുനയിൽ നിർത്തിയത്. മറിയകുട്ടിയമ്മയുടെ വേറിട്ട സമരരീതിയും സുരേഷ് ഗോപി സഹായവുമായി രംഗത്തെത്തിയതും തുടർന്ന് തൃശ്ശൂരിൽ പ്രധാനമന്ത്രി നരേന്ദ്രമോദി പങ്കെടുത്ത മഹിളാ സംഗമത്തിൽ പങ്കെടുത്തതുമെല്ലാം ശ്രദ്ധ നേടിയിരുന്നു. ഇപ്പോഴിതാ, മറിയക്കുട്ടി മോഡൽ പ്രതിഷേധവുമായി മറ്റൊരമ്മ രംഗത്തെത്തിയിരിക്കുകയാണ്.

6 മാസമായി പെൻഷൻ കിട്ടാത്തതിൽ പ്രതിഷേധിച്ചാണ് ‘അമ്മ മറിയക്കുട്ടി മോഡൽ സമരവുമായി രംഗത്തെത്തിയിരിക്കുന്നത്. എന്തായാലും, കിറ്റ് നൽകി മറ്റുള്ള ആനുകൂല്യങ്ങൾ സർക്കാർ മുൻപ് നൽകാതിരുന്നത് പോലെ ഇനി നടക്കില്ല. കാരണം, തങ്ങളുടെ അവകാശങ്ങൾ ഇന്ന് കേരളത്തിലെ ഓരോരുത്തരും മനസ്സിലാക്കുന്നുണ്ട്. കൂടാതെ, കേന്ദ്രം അവരുടെ വിഹിതം നൽകിയിട്ടുണ്ടെന്ന് വ്യക്തമാക്കുമ്പോൾ പെൻഷനും മറ്റ് നൽകേണ്ട ആനുകൂല്യങ്ങളും കൊടുക്കേണ്ടത് സംസ്ഥാന സർക്കാരിന്റെ ചുമതല തന്നെയാണ്. എന്തായാലും, ഇനി സർക്കാരിന്റെ കള്ളത്തരങ്ങൾ ഒന്നും സാധാരണക്കാർക്കിടയിൽ ചെലവാകില്ല.