ശനിദോഷം മാറ്റാം;പരിഹാരം ഇങ്ങനെ…

ഒരു രാശിയിൽ ഏറ്റവും കൂടുതൽ കാലം നിൽക്കുന്ന ഗ്രഹമാണ് ശനി. ശനി അനുകൂലമല്ലാത്ത സ്ഥാനങ്ങളിൽ നിൽക്കുന്നതിനെയാണു കണ്ടകശ്ശനി, അഷ്ടമശ്ശനി, ഏഴരശ്ശനി എന്നിങ്ങനെയാണ് പറയുന്നത്. ശനി ഓരാളുടെ ജന്മക്കൂറിൻ്റെ 4,7,10 എന്നീ ഭാവങ്ങളിൽ നിന്നാൽ അതിനെ കണ്ടകശ്ശനി എന്നുപറയും. ഓരാൾ ജനിച്ച കൂറിൻ്റെ 12 ലും ജനനക്കൂറിൻ്റെ 2 ലും ഗ്രഹചാരവശാൽ ശനി വരുന്ന തുടര്‍ച്ചയായ ഏഴരവര്‍ഷത്തെയാണ് ഏഴരശനി എന്നു പറയുന്നത്.

ജോതിഷ പ്രകാരം ശനിയുടെ അധിദേവതയാണ് ശാസ്താവ്. ശാസ്താവിനെ ഭജിക്കുന്നതിലൂടെ ശനിദോഷത്തിൽ നിന്ന് മുക്തി ലഭിക്കും. പ്രധാനമായും ശനിയാഴച ദിവസം ശാസ്താ ക്ഷേത്രങ്ങളിൽ ദര്‍ശനം നടത്തുകയും നീരാജ്ഞനം, എള്ള് തിരി വിളക്ക്, എള്ള് പായസം, തുടങ്ങിയ വഴിപാടായി സമര്‍പ്പിക്കുക. ഈ ദിവസം ഉപവാസം അനുഷ്ഠിക്കുന്നതും ഉത്തമമാണ്. കറുപ്പ്, നീല എന്നീ വസ്ത്രങ്ങള്‍ ഈ ദിനം ധരിക്കുക.
ഹനുമാനെ ഭജിക്കുന്നതിലൂടെ ശനിദോഷമകറ്റാൻ സാധിക്കും. ഹനുമാന് വെറ്റിലമാല വഴിപാടായി സമര്‍പ്പിക്കുക.

അയ്യപ്പ മന്ത്രം

“ഭൂതനാഥ സദാനന്ദ സർവഭൂത ദയാപര
രക്ഷരക്ഷ മഹാബാഹോ ശാസ്ത്രേ തുഭ്യം നമോനമഃ”

ശനി സ്തോത്രം

“നീലാഞ്ജനസമാനാഭം രവിപുത്രം യമാഗ്രജം
ഛായാമാര്‍ത്താണ്ഡസംഭൂതം തം നമാമി ശനൈശ്ചരം”