മഹാരാഷ്ട്ര വികാസ് അഘാഡിയുടെ 15 നേതാക്കളുടെ സുരക്ഷ പിൻവലിച്ച് ഷിൻഡെ സർക്കാർ; സഹായി മിലിന്ദിന്റെ സുരക്ഷ വർദ്ധിപ്പിച്ചു

മുംബൈ: മഹാരാഷ്ട്ര വികാസ് അഘാഡിയുടെ 15 നേതാക്കളുടെ സുരക്ഷ ഷിൻഡെ-ഫഡ്‌നാവിസ് സർക്കാർ പിൻവലിച്ചു. എന്നാൽ മുൻ മുഖ്യമന്ത്രി ഉദ്ധവ് താക്കറെയുടെ ഏറ്റവും വിശ്വസ്‌തനായ സഹായി മിലിന്ദ് നർവേക്കറിന്റെ സുരക്ഷ വർദ്ധിപ്പിച്ചിരിക്കുയാണ്.

നേരത്തെ എക്‌സ് കാറ്റഗറി സുരക്ഷയുണ്ടായിരുന്ന മിലിന്ദ് നർവേക്കറിന് ഇപ്പോൾ വൈ പ്ലസ് സുരക്ഷയാണ് ഏർപ്പെടുത്തിയിരിക്കുന്നത്. നേരത്തെ മഹാരാഷ്ട്ര വികാസ് അഘാഡി സർക്കാരിൽ മന്ത്രിയായിരുന്നു എൻസിപി നേതാവായ ജിതേന്ദ്ര അവാദ്. എന്നാൽ അടുത്തിടെ മുംബൈ ക്രിക്കറ്റ് അസോസിയേഷൻ തിരഞ്ഞെടുപ്പിൽ ബിജെപിയുടെ ആശിഷ് ഷെലാർ അദ്ദേഹത്തെ പിന്തുണച്ചിരുന്നു.

ഉദ്ധവ് താക്കറെയുടെ അനന്തരവനും യുവസേനാ പ്രവർത്തകനുമായ വരുൺ സർദേശായി, എൻസിപിയുടെ ഛഗൻ ഭുജ്ബൽ, ജയന്ത് പാട്ടീൽ, ധനഞ്ജയ് മുണ്ടെ, നവാബ് മാലിക്, നർഹരി സിർവാൾ, കോൺഗ്രസിന്റെ ബാലാസാഹേബ് തൊറാട്ട്, നിതിൻ റാവുത്ത്, നാനാ പട്ടോലെ, വാട്ടി പട്ടോലെ എന്നിവർ സുരക്ഷ പിൻവലിക്കപ്പെട്ട നേതാക്കളിൽ ഉൾപ്പെടുന്നു.

ഇവർക്ക് പുറമെ സതേജ് പാട്ടീൽ, വിജയ് വഡേത്തിവാർ, സുനിൽ കേദാർ, ഉദ്ധവ് താക്കറെയുടെ അടുത്ത അനുയായിയും ശിവസേന നേതാവുമായ സഞ്ജയ് റാവത്ത്, ഭാസ്‌കർ ജാദവ്, ഡെൽക്കർ കുടുംബം എന്നിവരുടെ സുരക്ഷയും ഷിൻഡെ സർക്കാർ മാറ്റിയിട്ടുണ്ട്.