കൂർക്കം വലി ഒരസുഖമാണ് , ഇക്കാര്യങ്ങൾ അറിഞ്ഞില്ലെങ്കിൽ മരണം വരെ സംഭവിക്കാം | SNORING

കൂർക്കം വലി ഒരസുഖമാണ് , ഇക്കാര്യങ്ങൾ അറിഞ്ഞില്ലെങ്കിൽ മരണം വരെ സംഭവിക്കാം | SNORING

കൂർക്കം വലി രോഗലക്ഷണമോ, രോഗ കാരണമോ ആകാം. അമിത വണ്ണം, കഴുത്തിന് വണ്ണക്കൂടുതലുള്ളവർ, മുക്കിലുണ്ടാകുന്ന തടസ്സങ്ങൾ (പാലത്തിന്റെ വളവ് , മൂക്കിലെ ദശ മുതലായവ), തൊണ്ടയിലെ തടസ്സങ്ങൾ ടോൺസിലുകളുടെ അമിത വലിപ്പം, ചെറുനാക്കിലുണ്ടാകുന്ന വീക്കം, ചെറുനാക്കിന്റെ അമിത വലിപ്പം) തുടങ്ങിയ എല്ലാം കൂർക്കം വലിയിലേക്ക് നയിക്കാം. കൂർക്കം വലിമൂലം ശ്വാസപ്രവാഹം തടസ്സപ്പെടുന്നതിനാൽ തലച്ചോറിലേക്ക് ആവശ്യമായ ഓക്സിജൻ എത്താൻ കഴിയാതെ വരും. പക്ഷാഘാതം, ഹൃദയസ്തംഭനം, പ്രമേഹം തുടങ്ങിയ ഗുരുതര രോഗാവസ്ഥകളിലേക്ക് കൂർക്കം വലി നിങ്ങളെ നയിച്ചേക്കാം.

കൂർക്കം വലിക്ക് കാരണമാകുന്ന ശ്യാസപ്രവാഹ മാർഗ്ഗത്തിലെ തടസം എവിടെയാണ് എന്ന് ഈ രോഗ നിർണ്ണയമാർഗ്ഗം വഴി കണ്ടെത്താനാകും. രോഗിയെ ചെറിയ മയക്കം നൽകി ഉറങ്ങിയതിന് ശേഷം മൂക്കിലൂടെ മൃദുവായ എൻഡോസ്കോപ്പ് കടത്തി ശ്വസന വഴിയിൽ തടസ്സമുണ്ടാക്കുന്ന ഭാഗം കണ്ടെത്തുന്നു. മൂക്കിലെ ദശ, മുക്കിലെ പാലത്തിന്റെ വളവ് തുടങ്ങിയവ കൊണ്ടുണ്ടാകുന്ന തടസങ്ങൾ, ടോൺസിലുകളുടെ അമിതവലിപ്പം, ചെറുനാവിന്റെ വലിപ്പം കൊണ്ടുണ്ടാകുന്ന തടസ്സങ്ങൾ, നാവിന്റെ അമിതവണ്ണം, തൊണ്ടയുടെ താഴ്ഭാഗത്തുള്ള തടസ്സങ്ങൾ തുടങ്ങി കൂർക്കം വലിയിലേക്ക് നയിക്കുന്ന രോഗകാരണങ്ങളെ ഈ ലളിതമായ ടെക്സ്റ്റ് വഴി കണ്ടെത്തി ചികിത്സിക്കാൻ സാധിക്കും.