ശ്രീലങ്ക സർക്കാർ ശബരിമലയെ അംഗീകൃത തീർഥാടനകേന്ദ്രമായി പ്രഖ്യാപിച്ചു …

കൊളംബോ : ശബരിമല ധർമശാസ്‌താ ക്ഷേത്രത്തെ അംഗീകൃത തീർഥാടന കേന്ദ്രമായി പ്രഖ്യാപിച്ച്‌ ശ്രീലങ്ക . തിങ്കളാഴ്ച നടന്ന മന്ത്രിസഭ യോഗത്തിൽ ആണ് തീരുമാനം ഉണ്ടായിരിക്കുന്നത് . ചൊവ്വാഴ്ചയോടെ ഇത് സംബന്ധിച്ച് പ്രസ്താവനയും പുറത്തായി .എല്ലാ വർഷവും 15,000-ത്തിലധികം ശ്രീലങ്കൻ പൗരന്മാർ ശബരിമലയിൽ ദർശനം നടത്തുന്നുണ്ട് എന്ന് ആണ് സർക്കാർ കണക്ക്

വളരെക്കാലമായി ശ്രീലങ്കയിൽ നിന്നും ഉള്ള ഭക്തർ ശബരിമലയിൽ എല്ലാ വർഷവും നവംബർ 1 മുതൽ അടുത്ത വർഷം ജനുവരി 31 വരെ ദർശനം നടത്താറുണ്ട് . കൂടാതെ ദിര്ഘ കാലമായിട്ടുള്ള തീർത്ഥാടന ബന്ധവും കുടി കണക്കിലെടുത്ത് ആണ് ശ്രീലങ്കൻ സർക്കാർ ശബരിമലയെ അംഗീകൃത തീർത്ഥാടന കേന്ദ്രമായി പ്രഖ്യാപിച്ചത് . നവംബർ മുതൽ ഡിസംബർ വരെ ആണ് ശബരിമലയിൽ മണ്ഡല പൂജ ഉത്സവം നടക്കുന്നത് . അതിന്‌ ശേഷം ജനുവരിയിൽ മകരവിളക്ക് തീർത്ഥാടനത്തിനായി നട തുറക്കും .