പ്രതിമ പണിഞ്ഞാൽ പട്ടിണി മാറുമോ? സംശയം വേണ്ടെന്ന് തെളിയിച്ച് പ്രധാനമന്ത്രി

ദില്ലി: ചരിത്ര നായകനായ സർദാർ വല്ലഭായ് പട്ടേലിന്‍റെ ഗുജറാത്തിലെ ഏകതാ പ്രതിമ ഏറെ വിവാദങ്ങള്‍ സൃഷ്ടിച്ചിരുന്നു. പ്രതിമ പണി തുടങ്ങിയപ്പോൾ മുതൽ ഉയര്‍ന്ന ചോദ്യമായിരുന്നു പട്ടിണി മാറുമോ എന്നത്. ഈ ചോദ്യത്തിന് നേട്ടം കൊണ്ട് മറുപടി നൽകിയിരിക്കുകയാണ് നരേന്ദ്രമോദി സർക്കാർ. റെക്കോര്‍ഡ് വരുമാനനേട്ടത്തിലൂടെ ഇന്ത്യയുടെ അഭിമാനമായി മാറി കഴിഞ്ഞിരിക്കുകയാണ് ഏകതാ പ്രതിമ.

ടൈം മാഗസിൻ നടത്തിയ കണ്ടെത്തലുകളിൽ 2019ലെ പ്രധാനപെട്ട 100 ഇടങ്ങളിലെ ഒന്നായി തിരഞ്ഞെടുത്തിരിക്കുന്നത് സര്‍ദാര്‍ വല്ലഭായ് പട്ടേൽ പ്രതിമയാണ്. പതിനായിരങ്ങൾക്ക് ഒരേ സമയം തൊഴിൽ അവസരംനല്‍കുന്ന പ്രതിമ സന്ദര്‍ശിക്കാന്‍ 30,000ത്തിൽ കൂടുതൽ ആളുകള്‍ പ്രതിദിനം എത്തുന്നു. കഴിഞ്ഞ ഒക്ടോബറിൽ പ്രധാനമന്ത്രി നരേന്ദ്ര മോദി ഉദ്ഘാടനം നടത്തിയ പ്രതിമക്ക് ഒട്ടേറെ വിമർശനങ്ങള്‍നേരിടേണ്ടി വന്നിരുന്നു. വിമര്‍ശനങ്ങളെക്കാള്‍ കൂടുതല്‍ ജന പിന്തുണയും പ്രതിമയ്ക്ക് കിട്ടിയിരുന്നു.