പെണ്‍കുട്ടിയുടെ അശ്ലീല ചിത്രം സമൂഹമാധ്യമങ്ങളിലൂടെ ബന്ധുക്കൾക്ക് അയച്ചു കൊടുത്ത യുവാവ് അറസ്റ്റിൽ

ഇടുക്കി: മൂന്നാറിൽ പെണ്‍കുട്ടിയുടെ അശ്ലീല ചിത്രം സമൂഹമാധ്യമങ്ങളിലൂടെ പ്രചരിപ്പിച്ച യുവാവ് പൊലീസ് പിടിയിൽ. തമിഴ്നാട് ഉത്തമപാളയം സ്വദേശിയും കോയമ്പത്തൂരില്‍ ബിരുദ വിദ്യാര്‍ത്ഥിയുമായ സഞ്ജയ്(20)യെ ആണ് മൂന്നാർ പൊലീസ് അറസ്റ്റുചെയ്തത്.

തമിഴ്നാട്ടില്‍ പഠിക്കാന്‍ പോയ മൂന്നാര്‍ സ്വദേശിനിയായ പെണ്‍കുട്ടിയുടെ ചിത്രമാണ് സഞ്ജയ് പെണ്‍കുട്ടിയുടെ തന്നെ ചില ബന്ധുക്കള്‍ക്ക് വാട്ട്സാപ്പിലൂടെ അയച്ചുകൊടുത്തത്. പെണ്‍കുട്ടിയുടെ വീട്ടുകാരുടെ പരാതിയില്‍ കേസെടുത്ത പൊലീസ് അന്വേഷണം നടത്തിവരുകയായിരുന്നു. അന്വേഷണത്തിനിടെ സഞ്ജയ്ക്ക് ചിത്രങ്ങള്‍ നല്‍കിയ സന്തോഷിനെ കഴിഞ്ഞ ഏപ്രിലില്‍ മൂന്നാര്‍ പൊലീസ് അറസ്റ്റ് ചെയ്തിരുന്നു.

തുടർന്ന് നടത്തിയ അന്വേഷണത്തിലാണ് സഞ്ജയ് പിടിയിലായത്. പൊലീസ് അന്വേഷണം ആരംഭിച്ചതറിഞ്ഞതോടെ പ്രതികള്‍ ചിത്രങ്ങള്‍ ഡിലീറ്റ് ചെയ്തിരുന്നു. തുടര്‍ന്ന് സൈബര്‍ സെല്ലിന്റെ സഹായത്തോടെ നശിപ്പിച്ച തെളിവുകള്‍ വീണ്ടെടുക്കുകയായിരുന്നു. മൂന്നാര്‍ സി.ഐ മനേഷ് കെ പൗലോസ്, എസ്.ഐ മാരായ കെ.ഡി.മണിയന്‍, സജി എം.ജോസഫ് എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്.