തിടമ്പ് നൃത്തം സ്റ്റേജിൽഅവതരിപ്പിച്ചതിനെതിരെ തന്ത്രി മണ്ഡലം;ദൈവികകലയെ അവഹേളിച്ചതിന് വിശ്വാസ സമ്മുഹത്തോട് മാപ്പ് പറയണം തന്ത്രി മണ്ഡലം

തിരുവനന്തപുരം :ദേവൻ്റെ പൂജാ വേളയിൽ പൂജയുടെ ഭാഗമായ തിടമ്പ് നൃത്തം സ്റ്റേജിൽ നടത്തിയതിനെതിരെ ശക്തമായ പ്രതിഷേധവുമായി തന്ത്രി മണ്ഡലം.പൂജാ വേളയിൽ നിവേദ്യത്തിന് ശേഷം അർഘ്യ പാദ്യാദികൾ കഴിഞ്ഞ് ബാലാംമ്പു,കർപ്പൂരാദിസഹിതം താബൂലം, നൃത്തം, ഗീതം, വാദ്യം,ഛത്രചാമരാദി, സർവ്വ രാജോപചാരം, എന്നിങ്ങനെ ക്രമത്തിൽ ഭഗവാനുള്ള ഉപചാരങ്ങൾ ഉണ്ട്.
ദേവചൈതന്യംശത്തെ ശിവേലി ബിംബത്തിൽ ആവാഹിച്ച് കാഴ്ച്ച ശ്രീബലി, ശ്രീഭൂതബലി, ഉത്സവബലി , പൊലെയുള്ള ക്ഷേത്ര ചടങ്ങിൻ്റെ ഭാഗമായി ചെയ്യുന്ന വിഷയമാണ് തിടമ്പ് നൃത്തം.

ഭക്തർക്കും വിശ്വാസ സമൂഹത്തിനും ഇങ്ങനെ ഉള്ള കാര്യങ്ങൾ കേവലം ഒരു കലാരൂപമായി മാത്രം കാണാൻ കഴിയില്ല. ദേവൻ്റെ ആചാര അനുഷ്ഠാനങ്ങൾ സംരക്ഷിക്കുക എന്നത് ഏതൊരു ഹൈന്ദവ വിശ്വാസിയുടെയും കടമയണ്, അത് നശിപ്പിക്കരുത്. ഭക്തജന സമൂഹത്തിന് മനോവേദന ഉണ്ടാക്കുന്ന വിധത്തിൽ ഈ ഒരു ദൈവിക അനുഷ്ഠാനത്തെ അതരിപ്പിച്ചതിൽ തന്ത്രി മണ്ഡലം തിരു. ജില്ല ശക്തമായി പ്രതിഷേധം അറിയിക്കുകയാണ്.നമ്മുടെ പരമ്പരാചാര അനുഷ്ഠാന ഭാഗമായി ആചാരിക്കുന്ന ഒരു ദൈവികകലയെ അവഹേളിക്കുന്നതിനായി വേദിയിൽ അവതരിപ്പിച്ചവർ ആരാണ് എങ്കിലും വിശ്വാസ സമ്മുഹത്തോട് മാപ്പ് പറഞ്ഞ് പ്രായശ്ചിത്തം ചെയ്യണം.

അല്ല എങ്കിൽ ശക്തമായ നിയമ നടപടികൾ അവതരിപ്പിച്ചവർക്ക് എതിരെ സ്വീകരിക്കാൻ തന്ത്രി മണ്ഡലം നിർബന്ധിതമാകും എന്ന് തന്ത്രി മണ്ഡലം സംസ്ഥാന വൈസ് പ്രസിഡൻ്റ് വാഴയിൽമഠം എസ് വിഷ്ണുനമ്പൂതിരി അറിയിച്ചു.അഖില കേരള തന്ത്രി മണ്ഡലം തിരുവനന്തപുരത്ത് കൂടിയ അടിയന്തിര ജില്ലാ നിർവ്വാഹക സമിതിയോഗത്തിൽ ആണ് നിയമ നടപടി സ്വീകരിക്കാൻ തീരുമാനിച്ചത്. യോഗത്തിൽ തന്ത്രി മണ്ഡലം സംസ്ഥാന ട്രഷറർ പാൽകുളങ്ങര എസ് ഗണപതിപോറ്റി, സംസ്ഥാന PRO ഒറ്റൂർ കെ. പുരുഷോത്തമൻ നമ്പൂതിരി , ജില്ലാ സെക്രട്ടറി എൻ . മഹാദേവൻ പോറ്റി , തന്ത്രി മണ്ഡല വിദ്യാപീഠം പ്രിൻസിപ്പാൾ എം കൃഷ്ണപ്രസാദ് , വൈസ് പ്രസിഡൻ്റ് പിഎം .വിഷ്ണു നമ്പൂതിരി, ട്രഷറർ വി എസ് . ഉണ്ണികൃഷ്ണൻ , എന്നിവർ സംസാരിച്ചു