പഞ്ചഭൂത ശാന്തി യാഗത്തിന് മുന്നോടിയായുള്ള നോട്ടീസ് പ്രകാശനം;ചടങ്ങുകൾ നിർവഹിച്ച് ക്ഷേത്ര തന്ത്രി സരുൺ മോഹനര്, യാഗത്തിന്റെ തത്സമയ സംപ്രേഷണം ലോക ജനതയ്ക്ക് മുന്നിൽ ഒരുക്കി തത്വമയി നെറ്റ് വർക്ക്

എറണാകുളം:നോർത്ത് പറവൂരിൽ തത്തപ്പള്ളി ശ്രീ ഘണ്ഠാകർണ്ണ സ്വാമി ക്ഷേത്രത്തിൽ ഓഗസ്റ്റ് 2 മുതൽ 7 വരെനടക്കുന്ന പഞ്ചഭൂത ശാന്തി യാഗത്തിന് മുന്നോടിയായുള്ള നോട്ടീസിന്റെ പ്രകാശനം ക്ഷേത്ര തന്ത്രി സരുൺ മോഹനര് നിർവഹിച്ചു.

ലോക ക്ഷേമാർത്ഥം പഞ്ചഭൂതങ്ങൾക്ക് വേണ്ടി മാത്രമായി ആദ്യമായാണ് കേരളത്തിൽ ഇത്തരത്തിൽ ഒരു യാഗത്തിന് ജനങ്ങൾ സാക്ഷ്യം വഹിക്കുന്നത്. ആലുവാ ശിവാലയ ആശ്രമത്തിന്റെ ആഭിമുഖ്യത്തിലാണ് ഈ യാഗം നടക്കുന്നത്. നോട്ടീസിന്റെ പ്രകാശന ചടങ്ങിൽ ആശ്രമ മഠാധിപതി മിന്നു കൃഷ്ണ ജി യും പങ്കെടുത്തിരുന്നു. ജനങ്ങൾ ഒന്നടങ്കം ആകാംക്ഷയോടെ കാത്തിരിക്കുന്ന പഞ്ചഭൂത ശാന്തിയാഗത്തിന്റെ തത്സമയ സംപ്രേഷണത്തിന്റെ കാഴ്ച ലോകമെമ്പാടുമുള്ള ജനങ്ങൾക്ക് വേണ്ടി ഒരുക്കുകയാണ് തത്വമയി നെറ്റ് വർക്ക്.