അടൂരിൽ കപ്പ കൃഷിയിടത്തിൽ നവജാത ശിശു;പ്രസവിച്ച് മണിക്കൂറുകൾ മാത്രമായ കുഞ്ഞിനെ കണ്ടെത്തി,ഉപേക്ഷിച്ചതാണെന്ന് പ്രാഥമിക നിഗമനം

അടൂർ: കപ്പ കൃഷിയിടത്തിൽ നവജാത ശിശുവിനെ കണ്ടെത്തി.പ്രസവിച്ച് മണിക്കൂറുകൾ മാത്രമാണ് കുഞ്ഞിന്റെ പ്രായമെന്നാണ് കണ്ടെത്തൽ. കരച്ചിൽ കേട്ട അയൽവാസികൾ ആണ് ആദ്യം കുഞ്ഞിനെ കണ്ടത്. വിവരമറിഞ്ഞ് പൊലീസ് എത്തി കുട്ടിയെ ആശുപത്രിയിലേക്ക് മാറ്റി.കുഞ്ഞിനെ ഉപേക്ഷിച്ചതാണെന്നാണ് പോലീസ് പറയുന്നത്.

കുട്ടിയുടെ ആരോഗ്യ നിലയിൽ പ്രശ്നമില്ലെന്നു ആശുപത്രി അധികൃതർ അറിയിച്ചു. പ്രസവിച്ചു മണിക്കൂറുകൾക്ക് ശേഷം കുഞ്ഞിനെ ഉപേക്ഷിച്ചതാണെന്നാണ് പ്രാഥമിക നിഗമനം. ആരാണ് കുട്ടിയെ ഉപേക്ഷിച്ചതെന്ന് ഇതുവരെ വ്യക്തമല്ല. സംഭവത്തിൽ പൊലീസ് അന്വേഷണം തുടങ്ങി.