ചെറുതുരുത്തിയിലെ തമിഴ്‌നാട് സ്വദേശിനിയുടെ മരണം കൊലപാതകം ! സ്വകാര്യഭാഗത്ത് മരവടി കുത്തിക്കയറ്റിക്കൊന്നത് ഭർത്താവ്; കൊടുംക്രൂരത പുറത്തായത് പോസ്റ്റുമോർട്ടം റിപ്പോർട്ടിലൂടെ

ചെറുതുരുത്തിയിൽ തമിഴ്‌നാട് സ്വദേശിനിയെ മരിച്ച നിലയിൽ കണ്ടെത്തിയ സംഭവം കൊലപാതകമെന്ന് തെളിഞ്ഞു. പോസ്റ്റുമോർട്ടം റിപ്പോർട്ടിലാണ് ഇക്കാര്യം വ്യക്തമായത്. സംഭവത്തിൽ കൊല്ലപ്പെട്ട തമിഴ്‌നാട് സ്വദേശിനി സെൽവിയുടെ ഭർത്താവ് തമിഴ്‌നാട് കള്ളക്കുറിച്ചി സ്വദേശി തിമിഴരശനെ പൊലീസ് അറസ്റ്റ് ചെയ്തു. സ്വകാര്യഭാഗത്ത് മരവടി കുത്തിക്കയറ്റിയാണ് ഇയാൾ കൊല നടത്തിയത്.

ഇന്നലെ പുലര്‍ച്ചെ തമിഴരശ് തന്നെയാണ് തന്‍റെ ഭാര്യ വെയിറ്റിങ് ഷെഡില്‍ മരിച്ചുകടക്കുന്ന വിവരം പോലീസിനെ അറിയിച്ചത്. തുടര്‍ന്ന് ചെറുതുരുത്തി പൊലീസ് സംഭവസ്ഥലത്തെത്തി ഇന്‍ക്വസ്റ്റ് നടപടികള്‍ പൂര്‍ത്തിയാക്കി മൃതദേഹം തൃശൂര്‍ മെഡിക്കല്‍ കോളെജിലേക്ക് പോസ്റ്റുമോർട്ടത്തിനായി മാറ്റി. പോസ്റ്റുമോർട്ടം റിപ്പോർട്ടിൽ കൊടുംക്രൂരത പുറത്തുവന്നതിനെത്തുടർന്ന് നടത്തിയ ചോദ്യം ചെയ്യലില്‍ പ്രതി കുറ്റം സമ്മതിച്ചു.

മദ്യപിച്ച് അബോധാവസ്ഥയിലായിരുന്ന തമിഴരശ് ഭാര്യയെ അതിക്രൂരമായി കൊലപ്പെടുത്തുകയായിരുന്നു.പുലര്‍ച്ചെ രണ്ടിനും ആറിനുമിടയിലായിരുന്നു കൊല. പിന്നീട് ചെറുതുരുത്തി പാലത്തിനു സമീപത്തു നിന്നും മൃതദേഹം വെയിറ്റിങ് ഷെഡിലേക്ക് വലിച്ചുകൊണ്ടുവന്നിട്ടു. തുടര്‍ന്ന് സ്റ്റേഷനിലെത്തി ഭാര്യ മരിച്ചു കിടക്കുന്നു എന്ന് വിവരം പറയുകയായിരുന്നു. കൊലയ്ക്കുപയോഗിച്ച ആയുധം കണ്ടെത്തിയതായി പോലീസ് അറിയിച്ചു.