മലയാളി യുവതിയെ ഷാർജയിൽ തൂങ്ങിമരിച്ച നിലയിൽ കണ്ടെത്തിയതിൽ ഭർത്താവ് ഷംനാദിനെതിരെ ഗുരുതര ആരോപണവുമായി പെൺകുട്ടിയുടെ സഹോദരിമാർ ! ഷാർജാ പൊലീസിന്റെ അന്വേഷണത്തിൽ തൃപ്തരല്ലെന്നും കുടുംബം

മലയാളി യുവതിയെ ഷാർജയിൽ തൂങ്ങിമരിച്ച നിലയിൽ കണ്ടെത്തിയ സംഭവത്തിൽ ഭർത്താവിനെതിരെ ഗുരുതര ആരോപണവുമായി യുവതിയുടെ ബന്ധുക്കൾ. വർക്കല ഓടയം ഇബ്രാഹിമിന്റെ മൂന്നു മക്കളിൽ ഇളയ പെൺകുട്ടിയായ യസ്ന കഴിഞ്ഞ ദിവസം ഷാർജയിൽ തൂങ്ങിമരിച്ച നിലയിൽ കണ്ടെത്തി. കവിലിയിൽ പുളിമൂട്ടം ഫിറോസ് ബിൽഡിങ്ങിൽ ഷംനാദാണ് യുവതിയുടെ ഭർത്താവ് അഞ്ചു വയസ്സുള്ള ഒരു മകനുണ്ട്.

ഷംനാദിനെതിരായ പെൺകുട്ടിയുടെ സഹോദരിമാരുടെ മൊഴി പുറത്ത് വന്നു. പെൺകുട്ടി ഒരിക്കലും തൂങ്ങി മരിക്കത്തില്ലെന്നും അത്തരത്തിലൊരു തീരുമാനത്തിലെത്തിയത് ​ഗാർഹിക പീഡനം മൂലമാണ് മരണമെന്നാണ് യസ്നയുടെ സഹോദരി ആരോപിക്കുന്നത്.

“നിരന്തരം ഒരു സൈക്കോ രീതിയിലുള്ള സ്വഭാവ വൈകൃതമുള്ള ഒരാളാണ് ഷംനാദ്. വിവാഹ ബന്ധം വേർപ്പെടുത്താൻ സമ്മതിക്കാതെ, മാനസീക പീഡനം നടത്തി കൊലപ്പെടുത്തിയതാകാമെന്ന് സഹോദരി പറഞ്ഞു. വളരെയധികം മനക്കട്ടിയുള്ള പെൺകുട്ടിയാണ് യസ്ന. ആത്മഹത്യയെന്നം ചെയ്യില്ല” – സഹോദരി പറയുന്നു. ഷാർജാ പൊലീസിന്റെ അന്വേഷണത്തിൽ തൃപ്തരല്ലെന്നും കുടുംബം പറയുന്നു.