വിവാഹം നാളെ നടക്കാനിരിക്കെ പ്രതിശ്രുത വരൻ കനാലിൽ മുങ്ങി മരിച്ചു

തൃശൂർ :കനോലി കനാലിലെ കരിക്കൊടി ചിറക്കെട്ടിനടുത്ത് സുഹൃത്തുക്കൾക്കൊപ്പം കുളിക്കുന്നതിനിടെ മുങ്ങിതാഴ്ന്നതിനെത്തുടർന്ന് അവശനിലയിൽ ആശുപത്രിയിൽ പ്രവേശിപ്പിച്ച യുവാവ് മരിച്ചു. ദേശമംഗലം കളവർകോട് അമ്മാത്ത് പരേതനായ ഉണ്ണികൃഷ്ണന്റെയും ചാരുലതയുടെയും മകൻ നിധിൻ (അപ്പു–26) ആണ് മരിച്ചത്. ഇന്നലെ വൈകുന്നേരമായിരുന്നു സംഭവം.

നാളെ നിധിന്റെ വിവാഹം നടക്കാനിരിക്കെയാണ് അപ്രതീക്ഷിത ദുരന്തം. സുഹൃത്തിനെ കാണാനാണു നിധിൻ കണ്ടശാംകടവിലെത്തിയത്. നിധിൻ മുങ്ങിതാഴ്ന്നത് കണ്ട ഒപ്പമുള്ളവർ രക്ഷപ്പെടുത്തി, ഒളരിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.