The incident in which a pregnant woman took her five-year-old daughter and jumped into the river to commit suicide; the accused including her husband have no bail; The family remains in hiding
കല്പറ്റ: അഞ്ചുവയസുകാരിയെയും എടുത്ത് ഗർഭിണിയായ യുവതി പുഴയില് ചാടി മരിക്കിനിടയായ സംഭവത്തില് പ്രതികള്ക്ക് ജാമ്യമില്ല. കേസിലെ പ്രതികളായ ദര്ശനയുടെ ഭര്ത്താവ് ഓം പ്രകാശ്, ഇയാളുടെ പിതാവ് ഋഷഭ രാജന്, മാതാവ് ബ്രാഹ്മില എന്നിവര് സമര്പ്പിച്ച മുന്കൂര് ജാമ്യാപേക്ഷ ജില്ല പ്രിന്സിപ്പല് സെഷന്സ് കോടതി തള്ളി. കണിയാമ്പറ്റ ചീങ്ങാടി വിജയമന്ദിരത്തില് വി.ജി. വിജയകുമാര്-വിശാലാക്ഷി ദമ്പതികളുടെ മകള് ദര്ശന(32), ദര്ശനയുടെ മകള് ദക്ഷ (അഞ്ച്) എന്നിവരാണ് പുഴയിൽ ചാടി ജീവനൊടുക്കിയത്.
ദര്ശനയുടെ മാതാപിതാക്കളുടെ പരാതിയിലാണ് ഓം പ്രകാശിനും മാതാപിതാക്കള്ക്കുമെതിരെ പോലീസ് കേസെടുത്തത്. ഗര്ഭഛിദ്രത്തിന് നിര്ബന്ധിച്ചതോടെയാണ് ദർശന ആത്മഹത്യ ചെയ്തതെന്ന് മാതാപിതാക്കൾ ആരോപിച്ചിരുന്നു. മുമ്പ് രണ്ട് തവണ മകളെ ഭര്ത്താവ് നിര്ബന്ധിച്ച് ഗര്ഭഛിദ്രം നടത്തി. നാല് മാസം ഗര്ഭിണിയായിരിക്കെ വീണ്ടും അതിന് നിര്ബന്ധിച്ചതോടെയാണ് മകള് ആത്മഹത്യ ചെയ്തതെന്നാണ് ദർശനയുടെ അമ്മ വിശാലാക്ഷി പറയുന്നത്
ഗാര്ഹികപീഡനം, ആത്മഹത്യാപ്രേരണ, മര്ദനം തുടങ്ങിയ കുറ്റങ്ങളാണ് പ്രതികള്ക്കെതിരെ ചുമത്തിയിരിക്കുന്നത്. കല്പ്പറ്റ ഡി.വൈ.എസ്.പി ടി.എന്. സജീവാണ് കേസ് അന്വേഷിക്കുന്നത്.മുന്കൂര് ജാമ്യപേക്ഷ തള്ളിയെങ്കിലും ഓം പ്രകാശും മാതാപിതാക്കളും ഒളിവിലാണെന്നാണ് വിവരം. ഇക്കഴിഞ്ഞ ജൂലൈ പതിമൂന്നിന് ഉച്ചകഴിഞ്ഞാണ് ദര്ശന കുഞ്ഞുമായി പുഴയില് ചാടിയത്. ദര്ശനയെ രക്ഷിച്ചെങ്കിലും പിന്നീട് ആശുപത്രിയില് വെച്ച് മരണത്തിന് കീഴടങ്ങുകയായിരുന്നു. ഇവര് വിഷം കഴിച്ചശേഷമായിരുന്നു പുഴയിലേക്ക് ചാടിയിരുന്നത്. പുഴയില് കാണാതായ മകള് ദക്ഷക്ക് വേണ്ടി രണ്ട് ദിവസം പൂര്ണമായും തിരഞ്ഞെങ്കിലും മൂന്നാംദിവസമാണ് കുട്ടിയുടെ മൃതദേഹം കണ്ടെത്തിയത്.
ഏത് പ്രതിസന്ധി ഘട്ടത്തിലും പാർട്ടിയെ പ്രതിരോധിച്ച സഹയാത്രികരോട് പാർട്ടി എന്ത് നീതി കാട്ടി ! റെജി ലൂക്കോസിന്റെ ചോദ്യങ്ങൾക്ക് ഉത്തരമില്ലാതെ…
പാലക്കാട്ട് മത്സരിക്കാൻ ഉണ്ണി മുകുന്ദൻ തയാറാകുമോ ? എല്ലാ തെരഞ്ഞെടുപ്പുകൾക്കും മുമ്പ് ചർച്ചയാകുന്ന പേരായി ഉണ്ണി മുകുന്ദൻ ! മണ്ഡലത്തിൽ…
തുടർച്ചയായി ഒൻപതാം ബജറ്റ് അവതരിപ്പിക്കാൻ കേന്ദ്ര ധനമന്ത്രി നിർമ്മലാ സീതാരാമൻ ! ഇത്തവണയും സസ്പെൻസ് ഒളിപ്പിച്ച് കേന്ദ്രബജറ്റ് I NIRMALA…
അവസാന നാളുകളിൽ ശൈലീമാറ്റം ! മുഖം മിനുക്കാൻ തീരുമാനം എടുത്ത് പിണറായി സർക്കാർ ! നേതൃത്വം മുഹമ്മദ് റിയാസിന് I…
ഓപ്പറേഷൻ സിന്ദൂർ ആരംഭിച്ചത് മുതൽ പാകിസ്ഥാൻ ഉദ്യോഗസ്ഥർ തിരക്കിലായി. അമേരിക്കയെ ഒപ്പം നിർത്താൻ അയച്ചത് ഡസൻ കണക്കിന് മെയിലുകൾ. പാക്…
'യുഡിഎഫ് അധികാരത്തിൽ വന്നാൽ മറ്റൊരു മാറാട് കലാപം നടത്താൻ ലീഗ് ശ്രമിക്കും' എന്ന ശ്രീ വെള്ളാപ്പള്ളി നടേശന്റെ പ്രസ്താവനയും ,…