ഭക്ഷ്യസുരക്ഷാ നിയമം നടപ്പാക്കുന്നതിൽ സർക്കാർ പരാജയപ്പെട്ടു ; ഹെൽത്ത് കാർഡ് വിതരണം അട്ടിമറിക്കുന്നതിൽ അടിയന്തര പ്രമേയത്തിന് നോട്ടീസ് നൽകി പ്രതിപക്ഷം

തിരുവനന്തപുരം : സംസ്ഥാനത്ത് ഹോട്ടൽ ജീവനക്കാർക്കുള്ള ഹെൽത്ത് കാർഡ് വിതരണം അട്ടിമറിക്കുന്നതിൽ പ്രതിപക്ഷം അടിയന്തര പ്രമേയത്തിന് നോട്ടീസ് നൽകി. മുൻ ഭക്ഷ്യമന്ത്രി അനൂപ് ജേക്കബാണ് നോട്ടീസ് നൽകിയത്. ഭക്ഷ്യസുരക്ഷാ നിയമം കർശനമായി നടപ്പാക്കുന്നതിൽ സർക്കാർ പരാജയപ്പെട്ടെന്ന് അനൂപ് ജേക്കബ് ആരോപിച്ചു.

എന്നാൽ യുഡിഎഫ് സർക്കാരിന്റെ കാലത്ത് നടന്നതിനേക്കാൾ പത്തിരട്ടി പരിശോധന എൽഡിഎഫ് സർക്കാരിന്റെ കാലത്ത് നടന്നുവെന്ന് ആരോഗ്യമന്ത്രി വീണ ജോർജ് പറഞ്ഞു. ഹെൽത്ത് കാർഡില്ലാതെ ആരെയും ഹോട്ടലിൽ ജോലി ചെയ്യാൻ അനുവദിക്കില്ലെന്നും മന്ത്രി വ്യക്തമാക്കി.