വേതന വർധനവ് ആവശ്യപ്പെട്ട് തൃശൂർ മോഡൽ സമരം നടത്താൻ തിരുവനന്തപുരം സ്വകാര്യ മേഖലയിലെ നഴ്സുമാർ;ജൂൺ അഞ്ച് മുതൽ ഏഴ് വരെ സമ്പൂർണ്ണ പണിമുടക്ക്

തൃശൂർ മോഡൽ സമരവുമായി തിരുവനന്തപുരം സ്വകാര്യ മേഖലയിലെ നഴ്സുമാർ രംഗത്ത്. വേതന വർധനവ് ആവശ്യപ്പെട്ടാണ് തൃശൂർ മോഡൽ സമരവുമായി തിരുവനന്തപുരം സ്വകാര്യ മേഖലയിലെ നഴ്സുമാർ രംഗത്തെത്തിയിരിക്കുന്നത്. 72 മണിക്കൂറാണ് പണിമുടക്ക് പ്രഖ്യാപിച്ചിരിക്കുന്നത്. അടുത്ത മാസം അഞ്ച് മുതൽ ഏഴ് വരെയാണ് യുണൈറ്റഡ് നഴ്‌സസ് അസോസിയേഷന്റ നേതൃത്വത്തിലുള്ള സമരം.

അതേസമയം, ജൂൺ അഞ്ച്, ആറ്, ഏഴ് തീയതികളിൽ സ്വകാര്യ മേഖലയിലെ നഴ്സുമാർ സമ്പൂർണമായി പണിമുടക്കും. തിരുവനന്തപുരം ജില്ലയിൽ സ്വകാര്യ മേഖലയിൽ ജോലി ചെയ്യുന്ന നഴ്സുമാർക്ക് കഴിഞ്ഞ 5 വർഷമായി വേതനത്തിൽ വർധനവ് ഉണ്ടായിട്ടില്ല. നിലവിൽ ലഭിക്കുന്ന ശമ്പളത്തേക്കാൾ 50% വർധനവാണ് നഴ്സുമാർ ഇപ്പോൾ ആവശ്യപ്പെടുന്നത്. കൂടാതെ രോഗികളുടെയും നഴ്‌സുമാരുടെയും അനുപാതം പുനഃക്രമീകരിക്കണമെന്നും നഴ്‌സുമാർ ആവശ്യപ്പെടുന്നുണ്ട്.