ഇന്ത്യയിൽ ഏറ്റവും കൂടുതൽ BJP വിരുദ്ധത പ്രചരിച്ചിരുന്ന ഒരു സംസ്ഥാനത്തെ ഇന്നത്തെ കാഴ്ച !

തമിഴ്‌നാട് ബിജെപി സംസ്ഥാന അദ്ധ്യക്ഷൻ അണ്ണാമലൈ നയിക്കുന്ന പദയാത്ര, രാമേശ്വരത്തുനിന്നും ആരംഭിച്ചിരിക്കുകയാണ്. എൻ മണ്ണ് എൻ മക്കൾ എന്ന പേരിലാണ് പദയാത്ര നടത്തുന്നത്. പദയാത്രയിൽ 1,770 കിലോമീറ്ററിലധികം കാൽനടയായും ഗ്രാമപ്രദേശങ്ങൾ ഒഴികെയുള്ള പ്രദേശങ്ങളിൽ വാഹനത്തിലുമാണ് പദയാത്ര നടക്കുന്നത്. അതേസമയം, പദയാത്രയ്ക്ക് നേതൃത്വം നൽകുന്ന അണ്ണാമലൈ ജനകീയനാണെന്ന കാര്യത്തിൽ ഒരു സംശയവുമില്ല. എന്നാൽ ഇപ്പോൾ അത് ഒരിക്കൽ കൂടി അടിവരയിട്ട് പറയുകയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്ന ഒരു വീഡിയോ. ആ വീഡിയോ നമുക്കൊന്ന് കണ്ട് നോക്കാം.

ഇപ്പോൾ നടന്നുകൊണ്ടിരിക്കുന്ന പദയാത്രയിൽ അണ്ണാമലൈ വേദിയിലെത്തുബോഴുള്ള ജനസാഗരവും ആരവങ്ങളുമാണ് നമ്മൾ ഇപ്പോൾ കണ്ടത്. അണ്ണാമലൈ വേദിയിൽ സംസാരിക്കുമ്പോൾ നിർത്താതെ ആരവം മുഴക്കുന്ന ജനക്കൂട്ടത്തെയും നമുക്ക് വിഡിയോയിൽ കാണാം. അതിന് കാരണം അണ്ണാമലൈയുടെ നിർഭയമായ പ്രവർത്തനം തന്നെയാണ്. ജീവന്‍ പണയം വെച്ച് മുഖ്യമന്ത്രി സ്റ്റാലിന്‍റെയും ഡിഎംകെ മന്ത്രിമാരുടെയും അഴിമതിയ്ക്കെതിരെ തമിഴ്‌നാട്ടിൽ കുരിശുയുദ്ധം തുടരുകയാണ് അണ്ണാമലൈ. സ്റ്റാലിനും കുടുംബത്തിനും എതിരെ ഒരാളും ചെറുവിരല്‍ പോലും അനക്കാന്‍ ധൈര്യപ്പെടില്ലെന്നിരിക്കെയാണ് ചരിത്രം തിരുത്തി കുറിച്ചുകൊണ്ട് അണ്ണാമലൈയുടെ നിര്‍ഭയമായ പോരാട്ടം തുടരുന്നത്.

അതേസമയം,168 ദിവസത്തിനുള്ളിൽ തമിഴ്‌നാട് മുഴുവൻ സഞ്ചരിക്കാനാണ് പദയാത്രയിലൂടെ ലക്ഷ്യമിടുന്നത്. ലോക്സഭാ തിരഞ്ഞെടുപ്പിന് മുന്നോടിയായി നടക്കുന്ന യാത്ര എല്ലാ നിയോജക മണ്ഡലങ്ങളും സഞ്ചരിച്ച് കേന്ദ്രസർക്കാരിന്റെ ഒമ്പത് വർഷത്തെ ഭരണനേട്ടങ്ങളെ കുറിച്ച് ജനങ്ങൾക്ക് മുന്നിൽ അവതരിപ്പിക്കുകയും ഡിഎംകെയുടെ അഴിമതി തുറന്നുകാട്ടുകയും ചെയ്യും. ‘മോദി എന്ത് ചെയ്തു’ എന്ന പുസ്തകം വിതരണം ചെയ്തുകൊണ്ട് രാജ്യത്തിന് വേണ്ടി പ്രധാനമന്ത്രി നടപ്പിലാക്കിയ പദ്ധതികളും, തീരുമാനങ്ങളും ജനങ്ങൾക്ക് മനസിലാക്കി കൊടുക്കുന്നതാണ് യാത്രയുടെ ലക്ഷ്യം.