പതിനഞ്ചുകാരിക്ക് ഇരുപത്തിയേഴുകാരൻ അബോര്‍ഷന്‍ ഗുളിക നൽകിയത് സുഹൃത്തിന്റെ സഹായത്തോടെ: ഗുളിക കഴിച്ച് മണിക്കൂറുകൾക്കുള്ളിൽ പെൺകുട്ടി മരണപെട്ടു, കാമുകൻ പോലീസ് പിടിയിൽ

തിരുവണ്ണാമലൈ: ഗര്‍ഭഛിദ്ര ഗുളിക കഴിച്ച്‌ പ്രായപൂര്‍ത്തിയാകാത്ത പെണ്‍കുട്ടി മരിച്ചു. തമിഴ്നാട് തിരുവണ്ണാമലൈയിലാണ് സംഭവം. സംഭവത്തില്‍ പെണ്‍കുട്ടിയെ കാമുകനെ പോലീസ് അറസ്റ്റ് ചെയ്തു. ഗര്‍ഭിണിയായ പെണ്‍കുട്ടി ഗര്‍ഭഛിദ്രം നടത്താനായാണ് ഗുളിക കഴിച്ചത്. ഗുളിക കഴിച്ച്‌ അബോധാവസ്ഥയില്‍ ആയ പെണ്‍കുട്ടി ആശുപത്രിയില്‍ എത്തും മുന്‍പേ മരണപ്പെടുകയായിരുന്നു. കാമുകനായ എസ് മുരുകന്‍ (27), ഇയാളുടെ സുഹൃത്ത് പ്രഭു എന്നിവരെ പോലീസ് കസ്റ്റഡിയില്‍ എടുത്തു.

പെണ്‍കുട്ടിയെ ദിവസവും സ്കൂളില്‍ കൊണ്ടുപോയിരുന്നത് മുരുകന്‍ ആയിരുന്നു. ഇതിനിടയില്‍ ഇരുവരും അടുപ്പത്തിലായി. തുടര്‍ന്ന് പെണ്‍കുട്ടി ഗര്‍ഭിണിയായതോടെ മുരുഗന്‍ സുഹൃത്തിന്റെ സഹായത്താല്‍ ഗര്‍ഭഛിദ്ര ഗുളിക സംഘടിപ്പിക്കുകയായിരുന്നു. ഗുളികയുമായി എത്തിയ മുരുഗന്‍ പതിവ് പോലെ പെണ്‍കുട്ടിയെ സ്കൂളിലേക്കെന്ന വ്യാജേന വീട്ടില്‍ നിന്നും കൂട്ടിക്കൊണ്ടുപോയി. വഴിയില്‍ വെച്ച്‌ പെണ്‍കുട്ടിക്ക് ഗുളിക നല്‍കി.

സ്‌കൂളില്‍ എത്തുന്നതിന് മുന്‍പേ പെണ്‍കുട്ടി അബോധാവസ്ഥയിലായി. തുടര്‍ന്ന് മുരുഗന്‍ തന്നെയാണ് പെണ്‍കുട്ടിയെ അടുത്തുള്ള സര്‍ക്കാര്‍ ആശുപത്രിയില്‍ എത്തിച്ചത്. ആശുപത്രിയില്‍ എത്തിക്കുന്നതിന് മുമ്ബ് തന്നെ പെണ്‍കുട്ടി മരണപ്പെട്ടതായി ഡോക്ടര്‍മാര്‍ അറിയിക്കുകയായിരുന്നു. തുടര്‍ന്ന് തുരുവണ്ണാമലൈ സര്‍ക്കാര്‍ ആശുപത്രിയില്‍ മൃതദേഹം പോസ്റ്റ്മോര്‍ട്ടത്തിനായി എത്തിച്ചു. പോസ്റ്റ്‌മോര്‍ട്ടത്തില്‍ പെണ്‍കുട്ടി ഗര്‍ഭിണിയാണെന്ന് തെളിഞ്ഞു. ഇതിനുപിന്നാലെയാണ് മുരുകനെയും പ്രഭുവിനെയും കസ്റ്റഡിയില്‍ എടുത്തത്.