ധീരമായ വയനാട്..ശക്തമായിരിക്കുക.. ഞങ്ങൾ എല്ലാവരും നിങ്ങളോടൊപ്പമുണ്ട് ! ദുരന്തമുഖം സന്ദർശിച്ചതിന് പിന്നാലെ വൈകാരിക കുറിപ്പ് പങ്കുവച്ച് കേന്ദ്രമന്ത്രി സുരേഷ് ഗോപി

വയനാടിനെ ഞെട്ടിച്ച ഉരുൾപ്പൊട്ടൽ ദുരന്തത്തിൽ നാമാവശേഷമായ മുണ്ടക്കൈ, ചൂരല്‍മല, പുഞ്ചിരിമട്ടം പ്രദേശങ്ങള്‍ സന്ദര്‍ശിച്ചതിന് പിന്നാലെ കേന്ദ്രമന്ത്രി സുരേഷ് ഗോപി സമൂഹ മാദ്ധ്യമത്തിൽ പങ്കുവച്ച കുറിപ്പ് വൈറലാകുന്നു. ‘വയനാടിലെ ദുരന്തത്തിന്റെ ബാക്കിപത്രമായ അവശിഷ്ടങ്ങൾക്കിടയിൽ നിൽക്കുമ്പോൾ തന്റെ ഹൃദയം ഭാരപ്പെടുന്നുവെന്ന്’ അദ്ദേഹം പങ്കുവച്ച കുറിപ്പിൽ പറയുന്നു. വയനാടൻ ജനതയുടെ സഹിഷ്ണുതയും ധൈര്യവും ശരിക്കും പ്രചോദനം നൽകുന്നതാണെന്നും ഈ വിനാശത്തിനിടയിൽ, ഐക്യത്തിൻ്റെയും പിന്തുണയുടെയും ആത്മാവ് തിളങ്ങുന്നുവെന്നും അദ്ദേഹം കുറിച്ചു. രക്ഷാപ്രവർത്തനത്തിലും ദുരിതാശ്വാസ പ്രവർത്തനത്തിലും നിരന്തരം ഇടപെടലുകൾ നടത്തുകയും ദുരന്ത മുഖത്തെ ഏകോപനത്തിന് ചുമതലയുള്ള കേന്ദ്രമന്ത്രി ജോർജ് കുര്യനുമായി നിരന്തരം ബന്ധപ്പെടുകയും ചെയ്തിരുന്നുവെങ്കിലും കടുത്ത പനിബാധിച്ച് കിടപ്പിലായതിനാൽ അദ്ദേഹത്തിന് ദുരന്തമുഖത്തേക്ക് എത്താൻ സാധിച്ചിരുന്നില്ല. ഒടുവിൽ രോഗശാന്തിക്കായി കാത്തിരിക്കാതെ പൂർണ്ണ ആരോഗ്യവാനല്ലാതിരുന്നിട്ടു കൂടി ഇന്ന് രാവിലെ അദ്ദേഹം വയനാട്ടിലേക്ക് ഓടിയെത്തുകയായിരുന്നു.

സുരേഷ് ഗോപി സമൂഹ മാദ്ധ്യമത്തിൽ പങ്കുവച്ച കുറിപ്പ് വായിക്കാം.

“വയനാടിൻ്റെ അവശിഷ്ടങ്ങൾക്കിടയിൽ നിൽക്കുമ്പോൾ എൻ്റെ ഹൃദയം ഭാരമാണ്, ഇപ്പോൾ പ്രകൃതിയുടെ രോഷത്താൽ മുറിവേറ്റ സ്ഥലമാണ്. അടുത്തിടെയുണ്ടായ മണ്ണിടിച്ചിലിൽ നിരപരാധികളായ കുട്ടികൾ ഉൾപ്പെടെ നിരവധി പേരുടെ ജീവൻ അപഹരിക്കുകയും നിരവധി പേരെ കാണാതാവുകയും ചെയ്തു. സങ്കൽപ്പിക്കാനാവാത്ത ദുഃഖത്തിൻ്റെയും നഷ്ടത്തിൻ്റെയും രംഗമാണിത്. തങ്ങളുടെ പ്രിയപ്പെട്ടവരെ നഷ്ടപ്പെട്ട കുടുംബങ്ങൾക്ക്, എൻ്റെ അനുശോചനത്തിൻ്റെ ആഴം വാക്കുകളിൽ പറഞ്ഞറിയിക്കാനാവില്ല. കാണാതായ അവരുടെ കുടുംബാംഗങ്ങളെ ഇപ്പോഴും തിരയുന്ന നിരവധി ആളുകളെ ഞാൻ കണ്ടുമുട്ടി, അവരുടെ വേദന ഈ സമൂഹത്തെ അലട്ടുന്ന ഹൃദയഭേദകമായ സങ്കടത്തിൻ്റെ തെളിവാണ്. ജീവിതം എത്ര ദുർബ്ബലമാണെന്നും എല്ലാം എത്ര വേഗത്തിൽ മാറുമെന്നും ഈ ദുരന്തം ഓർമ്മിപ്പിക്കുന്നു

വയനാടൻ ജനതയുടെ സഹിഷ്ണുതയും ധൈര്യവും ശരിക്കും പ്രചോദനം നൽകുന്നതാണ്. ഈ വിനാശത്തിനിടയിൽ, ഐക്യത്തിൻ്റെയും പിന്തുണയുടെയും ആത്മാവ് തിളങ്ങുന്നു. നമ്മുടെ സർക്കാരും വിവിധ ഏജൻസികളും ദുരിതബാധിതരെ രക്ഷിക്കാനും പുനരധിവസിപ്പിക്കാനും അക്ഷീണം പ്രയത്നിക്കുകയാണ്. ദുരിതബാധിതർക്ക് സഹായവും സാന്ത്വനവും നൽകുന്നതിന് ധൈര്യം കാണിക്കുന്ന എല്ലാ രക്ഷാപ്രവർത്തകർക്കും സന്നദ്ധപ്രവർത്തകർക്കും ഉദ്യോഗസ്ഥർക്കും എൻ്റെ ഹൃദയംഗമമായ നന്ദി അറിയിക്കുന്നു. ഈ സമയങ്ങളിൽ ഞങ്ങൾ ഒരുമിച്ചാണ് ധീരമായ വയനാട്..ശക്തമായിരിക്കുക, ഞങ്ങൾ എല്ലാവരും നിങ്ങളോടൊപ്പമുണ്ട് ” – സുരേഷ് ഗോപി കുറിച്ചു.

വയനാട് ദുരന്തം ദേശീയ ദുരന്തമായി പ്രഖ്യാപിക്കുന്നതിന്‍റെ നിയമവശങ്ങള്‍ പരിശോധിക്കേണ്ടതുണ്ടെന്നു നേരത്തെ അദ്ദേഹം പറഞ്ഞിരുന്നു. ദുരിതബാധിതരുടെ മാനസിക ആരോഗ്യത്തിനും പുനരധിവാസത്തിനുമാണ് ഇപ്പോൾ പ്രാധാന്യം നൽകുന്നതെന്നും അദ്ദേഹം വ്യക്തമാക്കി.