മണ്ണിടിഞ്ഞ വർക്കല പാപനാശം, ഹെലിപ്പാട് പ്രദേശങ്ങൾ സന്ദർശിച്ച് കേന്ദ്രമന്ത്രി സുരേഷ് ഗോപി ! ജില്ലാ കളക്ടറടക്കമുള്ള ഉന്നത ഉദ്യോഗസ്ഥരുമായി ചർച്ച നടത്തി

തിരുവനന്തപുരം : വർക്കല പാപനാശം, ഹെലിപ്പാട് പ്രദേശങ്ങളിലെ മണ്ണിടിഞ്ഞ ഭാഗങ്ങൾ സന്ദർശിച്ച് കേന്ദ്ര മന്ത്രി സുരേഷ് ഗോപി. രാവിലെ 6.45 ഓടെ തന്നെ വർക്കല ഗസ്റ്റ് ഹൗസിൽ എത്തിയ അദ്ദേഹം ജില്ലാ കളക്ടർ ജെറോമിക് ജോർജ്, ഡെപ്യൂട്ടി കളക്ടർ, ടൂറിസം വകുപ്പ് , ജിയോളജിക്കൽ വകുപ്പ് , മണ്ണ് സംരക്ഷണ വകുപ്പ് ഉദോഗസ്ഥർ എന്നിവരുമായി ചർച്ച നടത്തി.

ഭാരതത്തിന്റെ പുതിയ ടൂറിസം പ്ലാനിന്റെ ഭാഗമായി സ്പിരിച്വൽ ടൂറിസവും അഡ്വഞ്ചർ ടൂറിസവും അത്യാധുനിക സൗകര്യങ്ങളോടെ അന്താരാഷ്ട്ര ശ്രദ്ധ നേടുന്ന രീതിയിൽ മെച്ചപ്പെടുത്തുക എന്നതാണ് ലക്ഷ്യമിടുന്നതെന്ന് സുരേഷ് ഗോപി പറഞ്ഞു. വർക്കലയും അഷ്ടമുടി കായലും അഡ്വഞ്ചർ ടൂറിസത്തിന് വളരെയേറെ സാദ്ധ്യതകൾ ഉള്ള ഇടങ്ങളാണെന്നും അദ്ദേഹം കൂട്ടിച്ചേർത്തു. ഹെലിപ്പാട്, പാപനാശം ബലി മണ്ഡപം, സമീപത്തെ ടോയ്‌ലെറ്റ് ബ്ലോക്ക്‌, സൗത്ത് ക്ലിഫിലെ പാർക്കിംഗ് ഗ്രൗണ്ട് എന്നിവിടങ്ങൾ മന്ത്രി സന്ദർശിച്ചു. മുൻ കേന്ദ്ര മന്ത്രി വി. മുരളീധരൻ, ബിജെപി നേതാക്കളായ അഡ്വ.എസ്. സുരേഷ്, അഡ്വ. ആ അനിൽകുമാർ, അജുലാൽ വർക്കലഎന്നിവരും സുരേഷ് ഗോപിക്കൊപ്പം ഉണ്ടായിരുന്നു. വിവിധ വകുപ്പ് ഉദ്യോഗസ്ഥർ തുടങ്ങിയവർ അദ്ദേഹത്തെ അനുഗമിച്ചു

https://twitter.com/TatwamayiNews/status/1804499665426985064?ref_src=twsrc%5Etfw