കേന്ദ്രമന്ത്രി വി.മുരളീധരന്റെ ഫലവത്തായ ഇടപെടൽ ; അപകടങ്ങൾ പതിവായ മുതലപ്പൊഴി സന്ദർശിക്കാൻ തിങ്കളാഴ്ച കേന്ദ്ര സംഘം എത്തും

തിരുവനന്തപുരം : മത്സ്യബന്ധന ബോട്ട് മറിഞ്ഞ് നാലു മത്സ്യത്തൊഴിലാളികൾ മരിച്ച മുതലപ്പൊഴി സന്ദർശിക്കാൻ കേന്ദ്രസംഘമെത്തും. വരുന്ന തിങ്കളാഴ്ച കേന്ദ്രമന്ത്രി വി.മുരളീധരനൊപ്പം വിദഗ്ധസംഘം മുതലപ്പൊഴിയിലെത്തും. മുതലപ്പൊഴിയിൽ നിരന്തരമായി അപകടങ്ങൾ റിപ്പോർട്ട് ചെയ്യപ്പെടുന്നതോടെ ഇതിന് ഒരു ശാശ്വത പരിഹാരം തേടാനാണ് വിദഗ്ധ സംഘം എത്തുന്നത്. ഫിഷറീസ് ഡവലപ്പ്മെന്റ് കമ്മിഷണർ, ഫിഷറീസ് അസിസ്റ്റന്റ് കമ്മിഷണർ, സിഐസിഇഎഫ് ഡയറക്ടർ തുടങ്ങിയ ഉന്നത തല ഉദ്യോഗസ്ഥരാണ് സംഘത്തിലുള്ളത്. മുതലപ്പൊഴിയിലെ സ്ഥിതിഗതികൾ വി. മുരളീധരൻ കേന്ദ്ര ഫിഷറീസ് മന്ത്രി പർഷോത്തം രൂപാലയെ ധരിപ്പിച്ചതിനു പിന്നാലെയാണ് കേന്ദ്ര ഇടപെടൽ ഉണ്ടാകുന്നത്.

കേന്ദ്ര സർക്കാർ വിഷയം പഠിക്കുമെന്നും അശാസ്ത്രീമായ നിർമാണങ്ങൾ പരിശോധിക്കുമെന്നും കേന്ദ്ര ഫിഷറീസ് മന്ത്രി, മുരളീധരനുമായുള്ള കൂടിക്കാഴ്ചയ്ക്ക് ശേഷം വ്യക്തമാക്കിയിരുന്നു