veena
തിരുവനന്തപുരം:സംസ്ഥാനത്തെ കൗമാരക്കാരുടെ വാക്സിനേഷന് കേരളം സജ്ജമെന്ന് ആരോഗ്യ മന്ത്രി വീണാ ജോര്ജ്.
വാക്സിനേഷനുള്ള ആക്ഷന് പ്ലാന് രൂപീകരിച്ച് പ്രവര്ത്തനങ്ങള് ഏകോപിപ്പിച്ചു. സംസ്ഥാനത്തെ കുട്ടികള്ക്കും മുതിര്ന്നവര്ക്കും പ്രത്യേക വാക്സിനേഷന് കേന്ദ്രങ്ങളാണുള്ളത് എന്നും മന്ത്രി പറഞ്ഞു.
”കുട്ടികളുടെ വാക്സിനേഷന് കേന്ദ്രങ്ങളിൽ പിങ്ക് ബോര്ഡ് ഉണ്ടാകും. മുതിര്ന്നവരുടേത് നീല നിറമാണ്. ബോര്ഡുകള് വാക്സിനേഷന് കേന്ദ്രത്തിന്റെ പ്രവേശന കവാടം, രജിസ്ട്രേഷന് സ്ഥലം, വാക്സിനേഷന് സ്ഥലം എന്നിവിടങ്ങളില് ഉണ്ടായിരിക്കും.
കൂടാതെ എല്ലാ വാക്സിനേഷന് കേന്ദ്രങ്ങളിലും ഡോക്ടറുടെ സേവനമുണ്ടാകും. മറ്റസുഖങ്ങളോ അലര്ജിയോ ഉണ്ടെങ്കില് വാക്സിന് സ്വീകരിക്കുന്നതിന് മുമ്പ് അറിയിക്കണം.
15 മുതല് 18 വയസുവരെയുള്ള 15.34 ലക്ഷം കുട്ടികള്ക്ക് വാക്സിന് നല്കാനാണ് ലക്ഷ്യമിടുന്നത്. രാവിലെ 9 മുതല് വൈകുന്നേരം 5 വരെയാണ് വാക്സിനേഷന് കേന്ദ്രങ്ങള് പ്രവര്ത്തിക്കുക.
കോവിന് പോര്ട്ടലില് രജിസ്റ്റര് ചെയ്തതിന് ശേഷം കേന്ദ്രത്തില് എത്തുക. അവരവര് രജിസ്റ്റര് ചെയ്ത വിവരങ്ങളാണ് വാക്സിന് സര്ട്ടിഫിക്കറ്റില് ഉണ്ടാകുക. പിന്നീടുള്ള ബുദ്ധിമുട്ടുകള് ഒഴിവാക്കാന് തെറ്റുകൂടാതെ രജിസ്റ്റര് ചെയ്യേണ്ടതാണ്.
അതേസമയം വാക്സിനേഷന് ശേഷം കോവിന് പോര്ട്ടല് വഴി രജിസ്റ്റര് ചെയ്ത ഫോണ് നമ്പര് ഉപയോഗിച്ച് ആദ്യ ഡോസ് വാക്സിന്റെ സര്ട്ടിഫിക്കറ്റ് ഡൗണ്ലോഡ് ചെയ്യാവുന്നതാണ്. കോവിഡ് വന്നിട്ടുള്ള കുട്ടികള്ക്ക് 3 മാസം കഴിഞ്ഞ് വാക്സിന് എടുത്താല് മതിയാകും. ഭക്ഷണം കഴിച്ചതിന് ശേഷം വാക്സിനേഷന് കേന്ദ്രത്തിലെത്തുക.
എന്നാൽ ഒമിക്രോണ് സാഹചര്യത്തില് കുടിക്കാനുള്ള വെള്ളം അവരവര് കരുതുന്നതാണ് നല്ലത്. ആധാര് കാര്ഡോ, ആധാറില്ലെങ്കില് സ്കൂള് ഐഡി കാര്ഡോ മറക്കാതെ കൊണ്ട് വരേണ്ടതാണ്. രജിസ്ട്രേഷന് ചെയ്ത സമയത്തെ ഫോണ് നമ്പരും കരുതണം. കൊവാക്സിന് നല്കുന്ന കുട്ടികളുടെ വാക്സിനേഷന് കേന്ദ്രമാണെന്ന് ഉറപ്പ് വരുത്തുക.
ഒമിക്രോണ് സാഹചര്യത്തില് വാക്സിനേഷന് കേന്ദ്രങ്ങളില് കോവിഡ് പ്രോട്ടോകോള് കൃത്യമായി പാലിക്കണം. കുട്ടികളായതിനാല് സമയമെടുത്തായിരിക്കും വാക്സിനേഷന് പ്രക്രിയ പൂര്ത്തിയാക്കുക.
കൂടെ വരുന്ന രക്ഷാകര്ത്താക്കളും തിരക്ക് കൂട്ടാതിരിക്കാന് പ്രത്യേകം ശ്രദ്ധിക്കണം. രജിസ്ട്രേഷന് കൗണ്ടറില് രജിസ്റ്റര് ചെയ്ത മൊബൈല് മെസേജോ പ്രിന്റൗട്ടോ നല്കേണ്ടതാണ്. രജിസ്റ്റര് ചെയ്ത ഫോണ് നമ്പര് നല്കുമ്പോള് കുട്ടിയുടെ മറ്റ് വിവരങ്ങള് ലഭ്യമാകും. ആധാറോ, സ്കൂള് ഐഡിയോ കാണിച്ച് വന്നയാള് ആ കുട്ടിതന്നെയെന്ന് ഉറപ്പാക്കും.
വാക്സിനേഷന് കേന്ദ്രത്തില് സൂപ്പര്വൈസറും വാക്സിനേറ്ററും ഉണ്ടാകും. കുട്ടിക്ക് മറ്റ് തരത്തിലുള്ള ആരോഗ്യ പ്രശ്നങ്ങളോ അലര്ജിയോ ഇല്ലെന്ന് ഉറപ്പ് വരുത്തിയ ശേഷം വാക്സിനേഷന് സ്ഥലത്തേക്ക് വിടുന്നു. ഒരിക്കല്ക്കൂടി വാക്സിനേറ്റര് കുട്ടിയോട് വിവരങ്ങള് ചോദിച്ച ശേഷം വാക്സിന് നല്കുന്നു. വാക്സിന് നല്കിയ ശേഷം കുട്ടികളെ അര മണിക്കൂര് നിരീക്ഷിക്കുന്നതാണ്. മറ്റ് ബുദ്ധിമുട്ടലുകളില്ലെന്ന് ഉറപ്പ് വരുത്തി അവരെ വിടുന്നു.
വാക്സിന്റെ ലഭ്യതയനുസരിച്ച് എത്രയും വേഗം കുട്ടികളുടെ വാക്സിനേഷന് പൂര്ത്തിയാക്കുകയാണ് ലക്ഷ്യം. 65,000ത്തോളം ഡോസ് കോ വാക്സിന് സംസ്ഥാനത്ത് ലഭ്യമാണ്. കുട്ടികളുടെ വാക്സിനേഷനായി 5 ലക്ഷത്തോളം ഡോസ് കോവാക്സിന് എത്തിക്കുമെന്ന് കേന്ദ്രം അറിയിച്ചുവെങ്കിലും ഇന്ന് രാത്രിയോടെ എത്തുമെന്നാണ് പ്രതീക്ഷിക്കുന്നത്.
ഈ വാക്സിന് എത്തുന്നതോട് കൂടി എല്ലാ കേന്ദ്രങ്ങളും പൂര്ണ തോതില് പ്രവര്ത്തിക്കാനാകും. കുട്ടികളുടെ വാക്സിനേഷന് സുഗമമാക്കുന്നതിന് എല്ലാവരുടേയും പിന്തുണയും ആവശ്യമാണ്”- വീണ ജോർജ് അറിയിച്ചു
വെനസ്വേലയിൽ നിന്ന് ഇന്ത്യൻ പൗരന്മാരെ ഒഴിപ്പിക്കുമോ ? ആഭ്യന്തര യാത്ര ഒഴിവാക്കണമെന്ന് നിർദ്ദേശം ! വിദേശകാര്യ മന്ത്രാലയം മറ്റൊരു ഒഴിപ്പിക്കൽ…
2025, Nov 1ൽ കേരളം അതിദാരിദ്ര്യ മുക്ത സംസ്ഥനമായി എന്ന് പിണറായി വിജയൻ പ്രഖ്യാപിച്ചത് വിപുലമായ ചടങ്ങിലായിരുന്നു . നിരവധി…
ജിഹാദികളെ പിന്തുണയ്ക്കുന്ന മാംദാനിയുടെ തനിനിറം പുറത്ത് ! സ്വന്തം രാജ്യത്തിന്റെ സൈന്യം നടത്തിയ ഓപ്പറേഷനുനേരെ വിമർശനം ! മാംദാനിയെ നോട്ടമിട്ട്…
ജിഹാദികളുടെ ആക്രമണത്തിന് പ്രതിരോധം തീർക്കും ! വെള്ളാപ്പളിക്ക് ബിജെപിയുടെ പിന്തുണ ! വീട്ടിലെത്തി വെള്ളാപ്പള്ളിയെ കണ്ട് പ്രകാശ് ജാവദേക്കർ I…
തെരഞ്ഞെടുപ്പ് കാലത്ത് ഉന്മൂലനാശനമില്ല ! ഹിന്ദുക്കളെ പാട്ടിലാക്കാൻ സ്റ്റാലിന്റെ പുതിയ അടവ് ! റേഷൻ കാർഡ് ഒന്നിന് 3000 രൂപ…
ഡിഎംകെയും , തമിഴ് ദേശീയവാദികളും , കേരളത്തിലെ ജാമ്യത്തിൽ നടക്കുന്ന ചില കുറ്റവാളികളും അവകാശപ്പെടുന്നത് പോലെ രാവണൻ യഥാർത്ഥത്തിൽ തമിഴനാണോ…