വിക്രമും പാര്‍വതി തിരുവോത്തും ഒന്നിക്കുന്ന തങ്കളാന്‍ ആദ്യ ടീസര്‍ പുറത്ത്

‘നച്ചത്തിരം നഗര്‍ഗിരതി’ന് ശേഷം പാ രഞ്ജിത്തിന്‍റെ പുതിയ ചിത്രത്തിന്‍റെ ടൈറ്റില്‍ ടീസര്‍ പുറത്തിറങ്ങി.
തങ്കളാന്‍ എന്ന് പേരിട്ടിരിക്കുന്ന ചിത്രത്തില്‍ വിക്രം പ്രധാന കഥാപാത്രത്തെ അവതരിപ്പിക്കുന്നു. പാര്‍വതി തിരുവോത്ത്, മാളവിക മോഹനന്‍, പശുപതി തുടങ്ങിയവരും അഭിനേതാക്കളുടെ ഭാഗമാണ്.

കര്‍ണാടകയിലെ കോളാര്‍ മൈന്‍ഫീല്‍ഡുകളില്‍ ഒരുങ്ങുന്ന ഒരു പീരിയഡ് ഡ്രാമയാണ് ചിത്രം എന്നാണ് റിപ്പോര്‍ട്ടുകള്‍. ടീസറിലെ ദൃശ്യങ്ങളും അഭിനേതാക്കളുടെ ഗെറ്റപ്പും എല്ലാം അതിനോട് ചേര്‍ന്നിരിക്കുന്നു. വിക്രമിന്‍റെ കരിയറിലെ 61-ാമത്തെ ചിത്രമാണ് തങ്കളാന്‍. പത്തൊമ്ബതാം നൂറ്റാണ്ടിലെ ബ്രിട്ടീഷ് ഭരണകാലത്തെ ഒരു ഗോത്ര സമൂഹത്തിന്‍റെ പശ്ചാത്തലത്തിലാണ് ചിത്രം ഒരുങ്ങുന്നത്.

‘ഹാപ്പി ദീപാവലി’ എന്ന് പറയാന്‍ ഇതിലും മികച്ചത് മറ്റെന്താണെന്നും തങ്കളാന്റെ ലോകത്തേക്കുള്ള ഈ ചെറിയ ഉയര്‍ച്ച നിങ്ങളുടെ ദിവസം പ്രകാശിപ്പിക്കട്ടെ എന്ന അടിക്കുറിപ്പോടെയാണ് വിക്രം ചിത്രത്തിന്‍റെ ടീസര്‍ ട്വീറ്റ് ചെയ്തത്.