വാട്ടർ അതോറിറ്റി പൈപ്പ് ലൈൻ പൊട്ടി; തിരുവനന്തപുരം നഗരത്തിൽ കുടിവെള്ളവിതരണം നിലച്ചു

തിരുവനന്തപുരം: മ്യൂസിയം കനക നഗറിൽ ജെസിബി ഉപയോഗിച്ച് റോഡ് പണി ചെയുന്നതിനിടെ വാട്ടർ അതോറിറ്റി പൈപ്പ് ലൈൻ പൊട്ടി. നഗരത്തിൽ കുടിവെള്ളം നിലച്ചു. വെളളയമ്പലം – ശാസ്തമംഗലം റോഡ്, കൊച്ചാർ റോഡ്, ഇടപ്പഴഞ്ഞി, ഒബ്സർവേറ്ററി ഹിൽസ്, പാളയം, നിയമസഭ കോപ്ലക്സ്, നന്ദാവനം, വഴുതയ്ക്കാട്, തൈക്കാട്, വലിയശാല, ബേക്കറി, ഊറ്റുകുഴി, സെക്രട്ടേറിയറ്റ്, മാഞ്ഞാലിക്കുളം റോഡ്, ആയൂർവേദകോളേജ്, പുളിമൂട്, വഞ്ചിയൂർ, പേട്ട, ചാക്ക, പൂന്തി റോഡ്, വേളി, വെട്ടുകാട്, ശംഖുമുഖം, കരിക്കകം പാളയം, തുടങ്ങി പാറ്റൂർ സെക്ഷനുകൾക്കു കീഴിൽ വരുന്ന എല്ലാ സ്ഥലങ്ങളിലുംഇന്നും നാളെയും ജലവിതരണം തടസ്സപ്പെടുമെന്ന് പിഎച്ച് ഡിവിഷൻ നോർത്ത് എക്സിക്യുട്ടീവ് എൻജിനീയർ അറിയിച്ചു.

ടാങ്കറിൽ വെളളം അത്യാവശ്യം വേണ്ടവർ ഹെൽപ് ലൈൻ നമ്പർ ആയ 8547697340-ൽ ബന്ധപ്പെടേണ്ടതാണ്. തിരുവനന്തപുരം കോർപ്പറേഷന്റെ സ്മാർട്ട് ട്രിവാൻട്രം ആപ്പിലൂടെ ടാങ്കർ വഴി ജലവിതരണം ആവശ്യമുളളവർ ഈ പറയുന്ന ഫോൺ നമ്പറിൽ ബന്ധപ്പെടേണ്ടതാണ് എന്ന്‌ അധികൃതർ അറിയിച്ചു 9496434488,ടെലിഫോൺ 0471 – 2377701. 24 മണിക്കൂറും സേവനങ്ങൾ ലഭ്യമാണ്.