അട്ടിമറി നടന്നിട്ടില്ലെന്ന് മന്ത്രി കടകംപള്ളി സുരേന്ദ്രന് എങ്ങനെ അറിയാം; മന്ത്രിമാരെന്താ ഫോറൻസിക് വിദ​ഗ്ധരാണോ! കെ സുരേന്ദ്രന്‍

തിരുവനന്തപുരം: സര്‍ക്കാര്‍ ആസൂത്രിതമായി നടത്തിയ തീവയ്പ്പെന്ന് ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രന്‍. അന്വേഷണം അട്ടിമറിക്കാന്‍ ശേഷിയുളളവരെയാണ് നിയോഗിച്ചിട്ടുളളതെന്നും അതുകൊണ്ട് തന്നെ സര്‍ക്കാര്‍ ആഗ്രഹിക്കുന്ന നിലയിലേ അന്വേഷണം പോകൂ എന്നും അദ്ദേഹം പറഞ്ഞു.

സംസ്ഥാനസര്‍ക്കാരിനെതിരെ അന്വേഷണം നേരിടുന്ന വിവിധ ഫയലുകളാണ് ഇല്ലാതാക്കിയത്. പത്രക്കാരെ ആട്ടിയോടിച്ചതാണോ ചീഫ് സെക്രട്ടറിയുടെ അതിവേഗ നടപടി? തീകെടുത്താന്‍ ചീഫ് സെക്രട്ടറി എന്തെങ്കിലും കാര്യങ്ങള്‍ ചെയ്തോ? എന്നും അദ്ദേഹം ചോദിച്ചു.

അന്വേഷണത്തെ സ്വാധീനിക്കാനാണ് മന്ത്രിമാര്‍ ശ്രമിക്കുന്നതെന്നും അട്ടിമറിയില്ലെന്ന് കടകംപളളി സുരേന്ദ്രന് എങ്ങനറിയാം! സര്‍ക്കാര്‍ ആസൂത്രിതമായി നടത്തിയ തീവയ്പ്പ് മൂടിവയ്ക്കാന്‍ ചീഫ് സെക്രട്ടറിയുള്‍പ്പെടെയുളളവര്‍ ശ്രമിക്കുന്നുവെന്നും അദ്ദേഹം മാധ്യമങ്ങളോട് പറഞ്ഞു. .തീപിടിത്തത്തിൽ ജുഡീഷ്യൽ അന്വേഷണം വേണമെന്നും അദ്ദേഹം ആവശ്യപ്പെട്ടു.