കോവിഡിനെ ചെറുക്കാൻ വീണ്ടും മരുന്ന് ; പുറത്തിറക്കി ഹെറ്റെറോ, വില 59 രൂപ

ന്യൂഡല്‍ഹി:രാജ്യത്ത് കോവിഡ് മരുന്ന് പുറത്തിറക്കി പ്രമുഖ മരുന്ന് നിര്‍മ്മാണ കമ്പനിയായ ഹെറ്റെറോ . ഫവിപിരവിര്‍ എന്ന ബ്രാന്‍ഡ് നാമത്തിലാണ് മരുന്ന് പുറത്തിറക്കിയിരിക്കുന്നത്. ഒരു ടാബ്‌ലെറ്റിന് 59 രൂപയാണ് വില. കോവിഫോറിന് (റെംഡെസിവിര്‍) ശേഷം കോവിഡ് ചികിത്സയ്ക്ക് വേണ്ടി ഹെറ്റെറോ വികസിപ്പിച്ചെടുത്ത രണ്ടാമത്തെ മരുന്നാണിത്.

കോവിഡിനെതിരെയുളള ആന്റിവൈറല്‍ മരുന്നാണിത് . കാര്യമായ ആരോഗ്യപ്രശ്‌നങ്ങള്‍ ഇല്ലാത്തവർക്കും നേരിയ രോഗ ലക്ഷണമുള്ളവർക്കുമാണ് ഈ മരുന്ന് ഉപയോഗിക്കുന്നത്. മരുന്നിന്റെ ഉല്‍പ്പാദനത്തിനും വിപണനത്തിനും കമ്പനിയ്ക്ക് കണ്‍ട്രോളറുടെ അനുമതി ലഭിച്ചിട്ടുണ്ട്. നേരിയ രോഗലക്ഷണമുളളവരുടെ ചികിത്സയ്ക്ക ഇത് പ്രയോജനം ചെയ്യുമെന്ന് കമ്ബനി അവകാശപ്പെടുന്നു. ഇന്നുമുതല്‍ ചില്ലറ വില്‍പ്പന ശാലകളില്‍ അടക്കം മരുന്ന് ലഭ്യമാക്കുമെന്ന് കമ്പനി അറിയിച്ചു.