പ്രധാനമന്ത്രി പ്രഖ്യാപിച്ച പാക്കേജ് സന്ദര്‍ഭോചിതം: കെ. സുരേന്ദ്രന്‍

കോവിഡ് ഉയർത്തുന്ന പ്രതിസന്ധി മറി കടക്കാൻ പ്രധാന മന്ത്രി നരേന്ദ്ര മോദിജി പ്രഖ്യാപിച്ച ഇരുപത് ലക്ഷം കോടി രൂപയുടെ പാക്കേജ് രാഷ്ട്രത്തിന്റെ സമ്പദ്ഘടന പുനരുജ്ജീവിപ്പിക്കുന്നതിനും സ്വയംപര്യാപ്തത കൈവരിക്കുന്നതിനും സഹായകമെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ.

സന്ദർഭോചിതമായ പ്രധാന മന്ത്രിയുടെ പ്രഖ്യാപനം രാഷ്ട്രീയ വ്യത്യാസങ്ങൾക്ക് അതീതമായി മുഴുവൻ ജനതയും സ്വാഗതം ചെയ്യണമെന്ന് സുരേന്ദ്രൻ പ്രസ്താവനയിൽ പറഞ്ഞു. രാജ്യത്തിന്റെ മൊത്തം ആഭ്യന്തര ഉത്പാദനത്തിന്റെ പത്തു ശതമാനം വരുന്നതാണ് പാക്കേജ് തുക എന്ന് സുരേന്ദ്രൻ ചൂണ്ടിക്കാട്ടി. മോദിജിയുടെ നേതൃത്വത്തിലുള്ള ധീരമായ രാഷ്ട്ര പുനർ നിർമാണ പ്രക്രിയക്ക്‌ പിന്നിൽ അണി നിരക്കാൻ ബിജെപി അധ്യക്ഷൻ ആഹ്വാനം ചെയ്തു