കൊച്ചി: സംസ്ഥാനത്ത് ബസ് ചാര്ജ് വര്ദ്ധിപ്പിക്കില്ല. കൊവിഡ് പശ്ചാത്തലത്തില് ഉയര്ത്തിയ ബസ് ചാര്ജ് പിന്നീട് കുറച്ച നടപടി സ്റ്റേ ചെയ്തതിന് എതിരെ സംസ്ഥാന സര്ക്കാര് ഹൈക്കോടതിയില് അപ്പീല് നല്കിയിരുന്നു. ഇത് അംഗീകരിച്ചാണ് ഡിവിഷന് ബഞ്ചിന്റെ ഉത്തരവ്. ഉയര്ത്തിയ ബസ് ചാര്ജ് കുറച്ച സിംഗിള് ബഞ്ച് ഉത്തരവ് ഡിവിഷന് ബഞ്ച് സ്റ്റേ ചെയ്യുകയും ചെയ്തു.
ഉടമകള്ക്ക് സാമ്പത്തിക ബാധ്യതയില്ലെന്നും, ലോക്ക്ഡൗണിന്റെയും കൊവിഡ് ഭീഷണിയുടെയും പശ്ചാത്തലത്തില് ബസ് ഉടമകള്ക്കുള്ള ടാക്സ് മൂന്ന് മാസത്തേക്ക് ഒഴിവാക്കി നല്കിയിട്ടുണ്ട്. അതിനാല് ഉടമകള്ക്ക് സാമ്പത്തിക ബുദ്ധിമുട്ട് ഉണ്ടാകില്ലെന്നും സര്ക്കാര് വാദിച്ചു. ചാര്ജ് വര്ദ്ധന സംബന്ധിച്ച് ജസ്റ്റിസ് രാമചന്ദ്രന് കമ്മിറ്റി പരിശോധിച്ച് വരികയാണെന്നും സിംഗിള് ബഞ്ചിന്റെ സ്റ്റേ നിയമപരമായി നിലനില്ക്കില്ലെന്നുമായിരുന്നു സര്ക്കാര് കോടതിയില് പറഞ്ഞത്.
മോട്ടോര് വാഹന നിയമപ്രകാരം ചാര്ജ് വര്ദ്ധന അടക്കമുള്ള കാര്യങ്ങളില് സര്ക്കാരിന് തീരുമാനിക്കാന് അവകാശമുണ്ട്. ഇതില് കോടതി ഇടപെടുന്നത് ശരിയല്ലെന്നും സര്ക്കാര് വ്യക്തമാക്കുന്നു.
സാമൂഹിക അകലം പാലിക്കുന്നതിന്റെ ഭാഗമായി ബസ്സുകളില് 50% യാത്രക്കാരെ മാത്രമേ അനുവദിക്കൂ എന്ന സ്ഥിതിയിലായിരുന്നു ബസ് ചാര്ജ് നിരക്ക് കൂട്ടാന് സര്ക്കാര് അനുവദിച്ചത്. എന്നാല് ലോക്ക്ഡൗണ് ഇളവുവന്നതോടെ, ഈ നിരക്ക് വര്ദ്ധന സര്ക്കാര് പിന്വലിക്കുകയായിരുന്നു. ഇതിനെതിരെയാണ് ഒരു വിഭാഗം ബസ്സുടമകള് ഹൈക്കോടതിയില് എത്തിയത്.
എന്നാല് ആത്മഹത്യ ചെയ്യേണ്ട സാഹചര്യമാണെന്ന കടുത്ത പരാമര്ശമാണ് ബസ്സുടമകള് നടത്തുന്നത്. പക്ഷേ, സമരത്തിനില്ലെന്നും ബസ് ഓണേഴ്സ് അസോസിയേഷന് ജനറല് സെക്രട്ടറി ടി. ഗോപിനാഥ് പറഞ്ഞു.
സര്ക്കാരുമായി ഏറ്റുമുട്ടാനില്ല, പക്ഷേ കൈവിടരുത്, ഏത് ചര്ച്ചയ്ക്കും തയ്യാറാണ്. കൊവിഡ് കാലത്ത് ഇത്തരത്തില് ബസ് ചാര്ജ് കൂട്ടാതിരിക്കുന്നത് വലിയ തിരിച്ചടിയാണ് ഉണ്ടാക്കുന്നതെന്നും ബസ്സുടമകള് പറയുന്നു.
ഗുരുഗ്രാം: ജയിൽ ശിക്ഷ കഴിഞ്ഞു പുറത്തിറങ്ങിയപ്പോൾ ഭാര്യ സഹോദരനെ വിവാഹം ചെയ്തെന്ന വിവരമറിഞ്ഞ് അവരുടെ 7 മാസം പ്രായമായ കുഞ്ഞിനെ…
ദില്ലി: വിവാഹ സമയം വധുവിന് വീട്ടുകാര് നല്കുന്ന സമ്മാനത്തിൽ ഭര്ത്താവിന് അധികാരമോ അവകാശമോ ഇല്ലെന്ന് സുപ്രീംകോടതി. ഏതെങ്കിലും പ്രതിസന്ധി സമയത്ത്…
ഇംഫാല്: മണിപ്പൂരിലെ ഭീകരാക്രമണത്തിൽ രണ്ട് സിആർപിഎഫ് ഉദ്യോഗസ്ഥർ കൊല്ലപ്പെട്ടു. മണിപ്പൂരിലെ നരൻസേന മേഖലയിൽ ആണ് ഭീകരാക്രമണം ഉണ്ടായത്. രണ്ട് ഉദ്യോഗസ്ഥർക്ക്…
മർഗാവ്: ദിവസം ഒരു ഈന്തപ്പഴം മാത്രം കഴിച്ച് റംസാൻ വ്രതമനുഷ്ടിച്ച സഹോദരന്മാര് മരിച്ച നിലയില്. ഗോവയിലെ മര്ഗാവിലാണ് 27ഉം 29ഉം…
ബെംഗളൂരു: പ്രധാനമന്ത്രി നരേന്ദ്രമോദിയുടെ വികസന കാഴ്ചപ്പാടുകൾ രാജ്യത്തിന്റെ ഭാവി തന്നെ മാറ്റി മറിച്ചെന്ന് ബിജെപി ദേശീയ അദ്ധ്യക്ഷൻ ജെ പി…
തിരുവനന്തപുരം: ലോക്സഭാ തെരഞ്ഞെടുപ്പിൽ 20 മണ്ഡലങ്ങളിലെയും വിധിയെഴുതി കേരളം. പോളിങ് സമയം അവസാനിച്ചിട്ടും പല ബൂത്തുകളിലും വോട്ടർമാരുടെ നീണ്ടനിരയായിരുന്നു അനുഭവപ്പെട്ടത്.…