സ്വർണ്ണക്കടത്ത് കേസ് ; പ്രതികൾക്ക് കൂടുതൽ ബാങ്കുകളിൽ നിക്ഷേപമുള്ളതായി സൂചന

തിരുവനന്തപുരം: സ്വർണക്കടത്ത് കേസിലെ പ്രതികൾക്ക് കൂടുതൽ ബാങ്കുകളിൽ നിക്ഷേപമുണ്ടെന്ന് സൂചന. സഹകരണ ബാങ്കുകളിലാണ് ഇവർക്ക് കൂടുതൽ നിക്ഷേപമുള്ളതെന്നാണ് സൂചന ലഭിച്ചിരിക്കുന്നത് . പ്രതികളായ സ്വ‌പ്‌ന, സന്ദീപ്, സരിത് എന്നിവർക്ക് പൂവാർ, മുട്ടത്തറ എന്നിവടങ്ങളിലെ ബാങ്കുകളിലാണ് നിക്ഷേപമുള്ളത് . പൂവാറിലെ സഹകരണ ബാങ്കിൽ സ്വപ്നക്ക് 25 ലക്ഷവും സന്ദീപിന് 10 ലക്ഷവും നിക്ഷേപമുണ്ടെന്നാണ് റിപ്പോർട്ടുകളിൽ പറയുന്നത് . സരിത്തിന്റെയും അച്ഛന്റെയും പേരിൽ മുട്ടത്തറയിൽ 15 ലക്ഷത്തിന്റെയും നിക്ഷേപമുണ്ടെന്നും റിപ്പോർട്ടിൽ പറയുന്നു.അതേസമയം എൻ.ഐ.എ പിടികൂടിയപ്പോൾ സ്വപ്നയുടെ ബാഗിൽ ഈ ബാങ്കുകളിലെ നിക്ഷേപത്തിന്റെ രേഖകളുണ്ടായിരുന്നുവെന്നും സൂചനയുണ്ട്