അബ്ദുൾ സലാം
ഹമീർപൂർ : ഉത്തർപ്രദേശിലെ ഹമീർപൂർ ജില്ലയിൽ സഹപ്രവർത്തകയുടെ മകളായ പതിനാറുകാരിയെ ബലാത്സംഗം ചെയ്യുകയും ദൃശ്യങ്ങൾ പകർത്തി ഭീഷണിപ്പെടുത്തുകയും ചെയ്ത ജൽ സംസ്ഥാനിലെ (ജലവിഭവ വകുപ്പ്) നാലാം ഗ്രേഡ് ജീവനക്കാരൻ അറസ്റ്റിൽ. അബ്ദുൾ സലാം എന്ന ആരിഫാണ് പോലീസിന്റെ പിടിയിലായത്. പെൺകുട്ടിയെ നിരന്തരം ലൈംഗികമായി ചൂഷണം ചെയ്യുകയും വീഡിയോകളും ചിത്രങ്ങളും പ്രചരിപ്പിക്കുമെന്ന് ഭീഷണിപ്പെടുത്തുകയും ചെയ്തതായാണ് പരാതി. ഇരയായ പെൺകുട്ടിയുടെ അമ്മ നൽകിയ പരാതിയുടെ അടിസ്ഥാനത്തിൽ സദർ കോട്വാലി പോലീസ് സ്റ്റേഷനിൽ ഐടി ആക്ട്, പോക്സോ നിയമം, ബലാത്സംഗം തുടങ്ങിയ വകുപ്പുകൾ പ്രകാരം എഫ്ഐആർ രജിസ്റ്റർ ചെയ്ത് അന്വേഷണം ആരംഭിച്ചു.
തന്റെ ദുരനുഭവങ്ങൾ പെൺകുട്ടി അമ്മയെ അറിയിച്ചതോടെയാണ് വിവരം പുറംലോകമറിയുന്നത്. പെൺകുട്ടിയെ പ്രലോഭിപ്പിച്ച് വശത്താക്കിയ പ്രതി പലതവണ പീഡനത്തിന് ഇരയാക്കിയതായും ഈ ദൃശ്യങ്ങൾ കാണിച്ച് പിന്നീട് നിരന്തരം ഭീഷണിപ്പെടുത്തി ചൂഷണം തുടർന്നതായും പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ ജുഡീഷ്യൽ കസ്റ്റഡിയിൽ വിട്ടു. പെൺകുട്ടിയുടെ മൊഴി രേഖപ്പെടുത്തുകയും വൈദ്യപരിശോധന പൂർത്തിയാക്കുകയും ചെയ്തതായി ക്രൈം ഇൻസ്പെക്ടർ ഡി.കെ. മിശ്ര അറിയിച്ചു. ജൽ സംസ്ഥാൻ കാമ്പസിനുള്ളിൽ കുടുംബത്തോടൊപ്പം താമസിച്ചിരുന്ന പ്രതി, വാട്ടർ ടാക്സ് ബില്ലുകൾ വിതരണം ചെയ്യുന്ന ജോലിയാണ് ചെയ്തിരുന്നത്.
അറസ്റ്റിന് പിന്നാലെ പ്രതിക്കെതിരെ വകുപ്പുതല നടപടികളും ആരംഭിച്ചു. ചിത്രകൂട് ധാം ഡിവിഷൻ ജനറൽ മാനേജർ പ്രതിയെ സസ്പെൻഡ് ചെയ്യുകയും തുടർനടപടികൾക്കായി ബന്ദയിലേക്ക് മാറ്റുകയും ചെയ്തു. ഉദ്യോഗസ്ഥരോടും സഹപ്രവർത്തകരോടും മോശമായി പെരുമാറിയതിനും സാമൂഹ മാദ്ധ്യമങ്ങളിലൂടെ ആക്ഷേപകരമായ വീഡിയോകൾ പ്രചരിപ്പിച്ചതിനും ഇയാൾക്കെതിരെ മുൻപും പരാതികൾ ഉണ്ടായിരുന്നു. അച്ചടക്കലംഘനവും അസഭ്യവർഷവും പതിവാക്കിയ ഇയാളെക്കുറിച്ച് എക്സിക്യൂട്ടീവ് എൻജിനീയർ രാഹുൽ സിംഗ് ഉൾപ്പെടെയുള്ളവർ റിപ്പോർട്ട് നൽകിയിരുന്നു. സംഭവത്തിൽ കൂടുതൽ അന്വേഷണം നടക്കുകയാണെന്നും കുറ്റവാളിക്കെതിരെ കർശനമായ നിയമനടപടികൾ ഉറപ്പാക്കുമെന്നും പോലീസ് വ്യക്തമാക്കി.
ഓപ്പറേഷൻ സിന്ദൂറിനിടെ ഭാരതത്തിന്റെ ആക്രമണത്തിൽ നിന്നും തങ്ങളെ രക്ഷിക്കുവാൻ പാകിസ്താൻ അമേരിക്കയോട് യാചനകൾ നടത്തുവാൻ ലോബിയിങ്ങ് നടത്തിയതിന്റെ രേഖകൾ പുറത്ത്…
ഇന്ത്യൻ പ്രതിരോധ മേഖലയിൽ വലിയ മാറ്റങ്ങൾക്കും മുന്നേറ്റങ്ങൾക്കും സാക്ഷ്യം വഹിക്കുന്ന കാലഘട്ടമാണിത്. ശത്രുരാജ്യങ്ങളുടെ പ്രതിരോധ നിരകളെ തകർക്കാൻ ശേഷിയുള്ള അത്യാധുനിക…
ബഹിരാകാശ ശാസ്ത്രത്തിലെ ഓരോ മുന്നേറ്റവും എപ്പോഴും വലിയ ശബ്ദകോലാഹലങ്ങളോടെയാകില്ല സംഭവിക്കുന്നത്. പലപ്പോഴും ക്ഷമയോടെയുള്ള നിരീക്ഷണങ്ങളും സൂക്ഷ്മമായ വിശകലനങ്ങളും പ്രപഞ്ചത്തെക്കുറിച്ചുള്ള നമ്മുടെ…
നിങ്ങൾക്ക് എന്ത് കൊണ്ട് വിജയിക്കാൻ കഴിയുന്നില്ല? നിങ്ങൾ തേടുന്ന ആ ചോദ്യത്തിനുള്ള ഉത്തരം അഥർവ്വവേദത്തിലെ മന്ത്രത്തിൽ പറയുന്നുണ്ട്. വേദാചാര്യൻ ആചാര്യശ്രീ…
കിഴക്കൻ ഏഷ്യൻ മേഖലയിലെ സുരക്ഷാ സാഹചര്യങ്ങൾ അതീവ സങ്കീർണ്ണമായി തുടരുന്നതിനിടെ, തായ്വാൻ വ്യോമസേനയുടെ കരുത്തായ എഫ്-16വി (F-16V) യുദ്ധവിമാനം പരിശീലന…
വാഷിംഗ്ടൺ : രണ്ടാഴ്ച നീണ്ടുനിന്ന നാടകീയമായ നീക്കത്തിനൊടുവിൽ റഷ്യൻ എണ്ണക്കപ്പലായ 'മരിനേര' പിടിച്ചെടുത്ത് അമേരിക്കൻ സേന . ഉപരോധങ്ങൾ ലംഘിച്ച്…