40,000 സാധാരണ ട്രെയിൻ കോച്ചുകൾ ഇനി രാജ്യത്തിന്റെ ഹൃദയസ്പന്ദനമായി മാറിയ വന്ദേ ഭാരതിന്റെ നിലവാരത്തിലേക്ക് ! രാജ്യത്തെ വിമാനത്താവളങ്ങളുടെ എണ്ണം ഇരട്ടിയിലേക്ക് ! മാറുന്ന ലോകത്തിൽ അതിലും വേഗത്തിൽ മാറുന്ന ഭാരതത്തിന് പവർ ബൂസ്റ്ററായി നിർമ്മല സീതാരാമന്റെ കേന്ദ്ര ബജറ്റ്

നിർമ്മല സീതാരാമൻ ഇന്ന് അവതരിപ്പിച്ച കേന്ദ്രബജറ്റിൽ റെയിൽവേ, വ്യോമയാന മേഖലകളിൽ വമ്പൻ പ്രഖ്യാപനങ്ങൾ. രാജ്യത്തിന്റെ ഹൃദയസ്പന്ദനമായി മാറിയ വന്ദേ ഭാരതിന്റെ അതേ നിലവാരത്തിലേക്കു നിലവിലുള്ള 40,000 സാധാരണ ട്രെയിൻ കോച്ചുകളെ മാറ്റുമെന്നും നിർമല സീതാരാമൻ അറിയിച്ചു. ഇതിനോടൊപ്പം രാജ്യത്തെ വിമാനത്താവളങ്ങൾ 149 എണ്ണമായി ഉയർത്തും. ഇതിലൂടെ രാജ്യത്തിനുള്ളിലെ കണക്റ്റിവിറ്റി കൂടുതൽ വർധിക്കും. ഏതൊരു പൗരനും എളുപ്പത്തിൽ അതിവേഗം രാജ്യത്തിന്റെ ഏതു ഭാഗത്തും എത്തിച്ചേരാനാകും .

പിഎം ഗതിശക്തി പദ്ധതിയുടെ ഭാഗമായി 3 സാമ്പത്തിക റെയിൽവേ ഇടനാഴി നടപ്പാക്കും. ചരക്കു കടത്ത് കൂടുതൽ ഫലപ്രദമാക്കാനും ചെലവ് കുറയ്ക്കാനും വേഗതയിലായ്ക്കാനും ഈ പദ്ധതിയിലൂടെ സാധ്യമാകും. ഊർജം, ധാതുക്കൾ, സിമന്റ്, പോർട്ട് കണക്ടിവിറ്റി, ഗതാഗതം തുടങ്ങിയവയ്ക്കു പ്രാധാന്യം നൽകിയാണ് ഇടനാഴികൾ നിർമിക്കുക. രാജ്യത്തിന്റെ മുക്കിലും മൂലയിലും വികസനം കൂടുതൽ വേഗത്തിൽ എത്തും. 40,000 സാധാരണ ബോഗികൾ വന്ദേഭാരത് നിലവാരത്തിലേക്കു മാറ്റുന്നതോടെ ട്രെയിൻ യാത്ര കൂടുതൽ മെച്ചപ്പെടും.

രാജ്യത്തെ വിമാനത്താവളങ്ങൾ ഇരട്ടിയാക്കുന്നതോടെ വിമാനത്താവളങ്ങളുടെ എണ്ണം 149 ലെത്തും. ഇന്ത്യൻ വിമാനക്കമ്പനികൾ ആയിരത്തിലേറെ പുതിയ വിമാനങ്ങൾക്ക് ഓർഡർ നൽകിയിട്ടുണ്ടെന്നും ധനമന്ത്രി വ്യക്തമാക്കി.