സാമൂഹ്യ നീതി നാടകവും ഗുദാഹവാ!!! ദശരഥ് മാഞ്ചിയുടെ കുടിൽ സന്ദർശിച്ച രാഹുൽ ഗാന്ധിക്കായി പണിതുയർത്തിയത് ആഡംബര ടോയ്‌ലറ്റ്! ബീഹാറിൽ കോൺഗ്രസിനെ വലച്ച് ടോയ്‌ലറ്റ് വിവാദവും

ബീഹാറിലെ ആഡംബര ടോയ്‌ലറ്റ് വിവാദത്തിൽ പരുങ്ങലിലായി കോൺഗ്രസ്.കഴിഞ്ഞ ദിവസമാണ് കോൺഗ്രസ് എംപിയും ലോക്‌സഭയിലെ പ്രതിപക്ഷ നേതാവുമായ രാഹുൽ ഗാന്ധി ബീഹാറിലെ ഗയ സന്ദർശിച്ചത്. “പർവത മനുഷ്യൻ” എന്നറിയപ്പെടുന്ന ദശരഥ് മാഞ്ചിക്ക് രാഹുൽ ആദരാഞ്ജലി അർപ്പിക്കുകയും ദശരഥ് മാഞ്ചിയുടെ കുടുംബാംഗങ്ങളെയും കണ്ടു. കുടിലിൽ രാഹുൽ ദശരഥ് മാഞ്ചിയുടെ കുടുംബാംഗങ്ങൾക്കൊപ്പമിരിക്കുന്ന ചിത്രവും സമൂഹ മാദ്ധ്യമങ്ങളിൽ പ്രചരിച്ചിരുന്നു.

എന്നാൽ പിന്നാലെ ഫോട്ടോ ഷൂട്ട് നടത്താനാണ് രാഹുൽ ഗാന്ധി ദശരഥ് മാഞ്ചിയുടെ കുടുംബാംഗങ്ങളെ സന്ദർശിച്ചതെന്ന ആരോപണവും ഉയർന്നു.ബിജെപി നേതാവ് രവി കുമാർ യാദവാണ് ഈ ആരോപണവുമായി ആദ്യം രംഗത്ത് വന്നത്. രാഹുലിനായി കുടിലിനോട് ചേർന്ന് ഒരു താൽക്കാലിക ആഡംബര ടോയ്‌ലറ്റ് നിർമ്മിച്ചതായി അവകാശപ്പെടുന്ന ഒരു വീഡിയോയും അദ്ദേഹം പങ്കിട്ടു. രാഹുൽ ഗാന്ധിയുടെ സാമൂഹിക നീതി നാടകവും പൂർണ്ണമായും തുറന്നുകാട്ടപ്പെട്ടു എന്ന അടികുറിപ്പോടെയാണ് വീഡിയോ പങ്കുവച്ചിരിക്കുന്നത്. പോസ്റ്റ് വൈറലായെങ്കിലും, കോൺഗ്രസ് പാർട്ടിയോ രാഹുൽ ഗാന്ധിയോ ഇതുവരെ വിഷയത്തിൽ പ്രതികരിച്ചിട്ടില്ല.