തര്‍ക്കത്തിനിടയിൽ മലയാളി യുവാവ് കുത്തേറ്റ് മരിച്ചു, പാകിസ്ഥാന്‍ സ്വദേശി അറസ്റ്റില്‍

ഷാര്‍ജ: മലയാളി യുവാവ് കുത്തേറ്റ് മരിച്ച സംഭവത്തിൽ പാകിസ്ഥാന്‍ സ്വദേശി അറസ്റ്റിൽ. പാലക്കാട് മണ്ണാര്‍ക്കാട് സ്വദേശി ഹക്കീമാണ് കുത്തേറ്റ് മരിച്ചത്. ഇന്നലെ രാത്രി ആയിരുന്നു സംഭവം നടന്നത്.
ഷാര്‍ജയിലെ പ്രമുഖ ഹൈപ്പര്‍ മാര്‍ക്കറ്റിലെ മാനേജറായാണ് ഹക്കീം ജോലി ചെയ്തിരുന്നത്.

ഹക്കീമിന്‍റെ സുഹൃത്തുക്കളും പാകിസ്ഥാന്‍ സ്വദേശിയും തമ്മില്‍ തര്‍ക്കമുണ്ടായതിനെ തുടർന്ന് പരിഹരിക്കാനായാണ് ഹക്കീം ഇവിടെ എത്തിയത്. തുടര്‍ന്നുണ്ടായ വാക്കേറ്റത്തിൽ പ്രകോപിതനായ പാകിസ്ഥാന്‍ സ്വദേശി ഹക്കീമിനെയും സുഹൃത്തുക്കളെയും ആക്രമിച്ചു. ഹക്കീമിനെ മൂന്നുതവണ കത്തി ഉപയോഗിച്ച് കുത്തുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാൻ സാധിച്ചില്ല ഇയാളുടെ മൂന്നു സുഹൃത്തുക്കൾക്ക് ആക്രമണത്തിൽ പരിക്കേറ്റിട്ടുണ്ട്.