കണ്ണൂർ മലയാംപടിയിൽ നാടകസംഘം സഞ്ചരിച്ചമിനി ബസ് മറഞ്ഞു അപകടംരണ്ട് പേർക്ക് ദാരുണാന്ത്യം

കേളകത്ത് കായംകുളം ദേവാ കമ്യൂണിക്കേഷൻ്റെ നാടക സംഘം സഞ്ചരിച്ച മിനി ബസ് മറിഞ്ഞു.. അപകടത്തിൽ രണ്ട് പേർ മരിച്ചു . കായംകുളം മുതുകുളം സ്വദേശി അഞ്ജലി (32), കരുനാഗപ്പള്ളി തേവലക്കര സ്വദേശിനി ജെസി മോഹൻ നായരാണ് മരിച്ചത്. അപകടത്തിൽ 14 പേർക്ക് പരിക്കേറ്റിട്ടുണ്ട് പരിക്കേറ്റ ഒരാളുടെ നില ഗുരുതരമാണ് . കണ്ണൂരിൽ നിന്നും സുൽത്താൻ ബത്തേരിക്ക് പോകും വഴി കണ്ണൂർ കേളകം ഏലപീടിക റോഡിലെ മലയാംപടിക്ക് സമീപമാണ് അപകടം ഉണ്ടായത് .ഡ്രൈവര്‍ ഉറങ്ങിപ്പോയതാണ് അപകടത്തിന് കാരണമെന്നാണ് സൂചനകള്‍.

നെടുംപൊയില്‍ വാടി റോഡില്‍ പേര്യ ചുരത്തില്‍ എത്തിയപ്പോള്‍ വഴി ബ്ലോക്കാണെന്ന് അറിഞ്ഞ് കൊട്ടിയൂര്‍ ബോയ്‌സ് ടൗണ്‍ റോഡിലേക്ക് പോകുന്നതിനാണ് എളുപ്പവഴിയിലൂടെ സംഘം കേളകത്തേക്ക് പോയത്. ഒരു കിലോമീറ്ററോളമുള്ള കുത്തനെയുള്ള ഇറക്കം ഇറങ്ങി മലയാം പടിയിലെത്തിയ ശേഷം ചെറിയ ഇറക്കത്തിലെ വളവില്‍ എത്തിയപ്പോള്‍ ആണ് അപകടം. വാഹനത്തിന്റെ മുന്‍ സീറ്റില്‍ ഇരുന്നവരാണ് മരിച്ചത്. താഴെയുള്ള കുഴിയിലേക്ക് മുന്‍ഭാഗം കുത്തി വീണ വാഹനം ചെറിയൊരു മരത്തില്‍ തങ്ങിയാണ് നിന്നത്. വാഹനം മാറ്റാനുള്ള നടപടികള്‍ സ്വീകരിച്ചു വരികയാണ്.