ശിവനെ വൈദ്യനാഥനായി ആരാധിക്കുന്ന ക്ഷേത്രം; അശ്വതി നക്ഷത്രക്കാരുടെ ജന്മ നക്ഷത്ര ക്ഷേത്രമായി അറിയപ്പെടുന്ന കാഞ്ഞിരങ്ങാട് വൈദ്യനാഥ ക്ഷേത്തിന്റെ സവിശേഷതകൾ അറിയാം

കണ്ണൂർ തളിപ്പറമ്പിന് സമീപമുള്ള കാഞ്ഞിരങ്ങാട് വൈദ്യനാഥ ക്ഷേത്രം ആണ് അശ്വതി നക്ഷത്രക്കാരുടെ ജന്മ നക്ഷത്ര ക്ഷേത്രമായി അറിയപ്പെടുന്നു. ഈ ക്ഷേത്രം സന്ദർശിക്കുക വഴി നിങ്ങളുടെ നക്ഷത്രത്തിന് ഏതങ്കിലും തരത്തിൽ ദോഷഫലങ്ങൾ ഉണ്ടെങ്കിൽ അത് വിട്ടുപോകും. അശ്വതി, മൂലം, മകം, എന്നീ നാളുകളിൽ അശ്വതി നക്ഷത്രക്കാർ ക്ഷേത്ര ദർശനം നടത്തണം എന്നാണ് വിശ്വാസം.

ശിവനെ വൈദ്യനാഥനായി ആരാധിക്കുന്ന ക്ഷേത്രമാണ് കാഞ്ഞിരങ്ങാട് വൈദ്യനാഥ ക്ഷേത്രം. പ്രധാന വിശ്വാസങ്ങളനുസരിച്ച ശിവനും സൂര്യനുമാണ് ഈ ക്ഷേത്രവുമായി ബന്ധപ്പെട്ട് നിൽക്കുന്നത്. ഏതോ ചില വിഷബാധകളാൽ ഒരിക്കൽ സൂര്യന് തന്‍റെ തേജസ് ഇല്ലാതായി. ഇതിനു പരിഹാരമായി ഗരുഡൻ വൈദ്യനാഥ ലിംഗത്തിന്‍റെയും ശിവന്‍റെയും കഥ പറഞ്ഞുകൊടുത്തു. അങ്ങനെ നഷ്ടമായ തേജസ് തിരികെ ലഭിക്കുവാനായി സൂര്യൻ ശിവന്റെ അടുത്തെത്തി ആത്മലിംഗം മേടിച്ച് പ്രാർത്ഥിച്ചുവെന്നും ആ ശിവലിംഗം ഇന്നത്തെ കാഞ്ഞിരങ്ങാട് ക്ഷേത്രത്തിൽ പ്രതിഷ്ഠിച്ചുവെന്നുമാണ് വിശ്വാസം.

രോഗശാന്തി നേടുവാൻ ഈ ക്ഷേത്രത്തിൽ വന്നു പ്രാർത്ഥിച്ചാൽ മതിയെന്നാണ് പണ്ടുകാലം മുതലുള്ള വിശ്വാസം. കണ്ണുകളുടെ രോഗവും ത്വക്ക് രോഗവും മാറുവാനും ഇവിടെ പ്രാർത്ഥിച്ചാൽ മതിയത്രെ. എന്നാൽ അതിനു മുൻപ് ക്ഷീരധാരയും ജലധാരയും ശിവന് വഴിപാടായി സമർപ്പിക്കേണ്ടതുണ്ട്.