ഇരിട്ടിൽ പ്രദേശവാസികളെ ഭീതിയിലാഴ്ത്തിയ കടുവയെ കണ്ടെത്തി;തെങ്ങിൻ മുകളിൽ നിന്ന് ദൃശ്യം പകർത്തി ചെത്തുതൊഴിലാളി

കണ്ണൂർ : ഇരിട്ടിൽ പ്രദേശവാസികളെ ഭീതിയിലാഴ്ത്തിയ കടുവയെ കണ്ടെത്തി.ആറളം ഫാം ഒന്നാം ബ്ലോക്കിലാണ് കടുവ ഇപ്പോൾ ഉള്ളത്.ഫാമിലെ ചെത്ത് തൊഴിലാളി അനൂപാണ് കടുവയെ കണ്ടത്.
അനൂപ് തെങ്ങിന് മുകളിൽ നിന്നും കടുവയുടെ ദൃശ്യം മൊബൈലിൽ പകർത്തി.

പത്ത് ദിവസത്തിനിടെ മൂന്ന് പഞ്ചായത്തുകളിലാണ് കടുവയുടെ സാന്നിധ്യം ഉണ്ടായത്. ഫാമിന് ചുറ്റും കാടുമൂടിയ പ്രദേശങ്ങളാണ്. അതിനാൽ തന്നെ രാത്രിയിൽ കടുവയെ കണ്ടെത്തൽ പ്രയാസമാകും. നിരവധി പട്ടികവർ​ഗ കുടുംബങ്ങൾ ഇവിടെ കഴിയുന്നുണ്ട്. ഇവർക്ക് ജാ​ഗ്രതാ നിർദ്ദേശം നൽകി. എട്ടിടങ്ങളിലായി ആളുകൾ കടുവയെ കണ്ടിട്ടുണ്ട്. കടുവയുടെ കാൽപ്പാട് പരിശോധിച്ചതിൽ നിന്ന് രണ്ട് വയസ്സ് പ്രായമായ കടുവയാണ് ഇതെന്നാണ് നി​ഗമനമെന്ന് വനംവകുപ്പ് പറയുന്നത്.