മദ്ധ്യപ്രദേശിൽ രണ്ടുവയസുകാരി 300 അടി താഴ്ചയുള്ള കുഴൽ കിണറിൽ വീണു; രക്ഷാപ്രവർത്തനം ആരംഭിച്ചിട്ട് 24 മണിക്കൂർ പിന്നിട്ടു; സമയമെടുക്കുമെന്ന് ജില്ല കലകട്ർ

ഭോപാൽ: രണ്ടുവയസുകാരി 300 അടി താഴ്ചയുള്ള കുഴൽ കിണറിൽ വീണു. മദ്ധ്യപ്രദേശിലെ സെഹോർ ജില്ലയിലാണ് അപകടമുണ്ടായത്. കുട്ടി 20-30 അടി താഴ്ചയിൽ കുടുങ്ങിക്കിടക്കുകയാണ്. മണ്ണുമാന്തി യന്ത്രങ്ങളുടെ അടക്കം സഹായത്തോടെ 24 മണിക്കൂറായി രക്ഷാപ്രവർത്തനം നടക്കുകയാണ്. എന്നാൽ പാറ കാരണം കുട്ടിയെ രക്ഷിക്കാൻ സമയമെടുക്കുമെന്ന് സെറോൾ ജില്ല കലകട്ർ ആശിഷ് തിവാരി പറഞ്ഞു.

നിലം കുഴിക്കുന്നതിനനുസരിച്ച് പെൺകുട്ടി താഴോട്ട് പോവുകയാണെന്നും ഓക്സിജൻ നൽകുന്നുണ്ടെന്നും അദ്ദേഹം കൂട്ടിച്ചേർത്തു. മുംഗോളി ഗ്രാമത്തിൽ വയലിൽ കളിച്ചുകൊണ്ടിരിക്കെയാണ് പെൺകുട്ടി കുഴൽകിണറിലേക്ക് വീണത്. കുട്ടിയെ സുരക്ഷിതമായി പുറത്തെത്തിക്കണമെന്ന് മുഖ്യമന്ത്രി ശിവരാജ് സിങ് ചൗഹാൻ ഉദ്യോഗസ്ഥർക്ക് നിർദേശം നൽകിയിരുന്നു