വാഹന വിൽപ്പനയിൽ തർക്കം; കൊച്ചിയിൽ യുവാവിനെ കുത്തി കൊലപ്പെടുത്തി, സുഹൃത്ത് പിടിയിൽ

കൊച്ചി: നായരമ്പലത്ത് യുവാവിനെ സുഹൃത്ത് കുത്തികൊലപെടുത്തി. നായരമ്പലം സ്വദേശി സനോജ് ആണ് കൊല്ലപ്പെട്ടത്. പെയിന്റിങ് തൊഴിലാളിയായിരുന്നു കൊല്ലപ്പെട്ട സനോജ്. നെടുങ്ങാട് അണിയിൽ റോഡിൽ വച്ചാണ് സംഭവം നടന്നത്. പ്രതി അനിൽകുമാറിനെ പോലീസ് അറസ്റ്റ് ചെയ്തു. ഇരുവരും സുഹൃത്തുക്കളായിരുന്നു. വാഹന സംബന്ധമായ തർക്കം ഇവർ തമ്മിൽ ഉണ്ടായിരുന്നു. ഇതാണ് കൊലപാതകത്തിൽ കലാശിച്ചതെന്നാണ് അറിയാൻ കഴിഞ്ഞത്. സനോജ് നേരത്തെ അനിൽകുമാറിന്റെ വാഹനം വാങ്ങിയിരുന്നെങ്കിലും ഓണർഷിപ്പ് കൈമാറാൻ അനിൽകുമാർ തയ്യാറാകാത്തതാണ് കൊലപാതകത്തിന് കാരണമായത്.

കൊലപാതക സംഭവത്തിൽ ഞാറക്കൽ പോലീസ് കേസ് രജിസ്റ്റർ ചെയ്തു. വാഹനം വാങ്ങിയ സനോജ് വായ്പ മുഴുവൻ അടച്ച് തീർത്തിരുന്നു എന്നിട്ടും അനിൽകുമാർ ഓണർഷിപ്പ് കൈമാറാൻ തയ്യാറായില്ലെന്നാണ് അറിയാൻ കഴിഞ്ഞത്.