അച്ഛൻ റെജിയുടെ കരങ്ങളിൽ അബിഗേൽ ! കുഞ്ഞിന്റെ ആരോഗ്യനില തൃപ്തികരം ; സംഘത്തിലെ സ്ത്രീയെ തിരിച്ചറിഞ്ഞു

ഓയൂരിൽനിന്നും നാലംഗ സംഘം കാറിൽ തട്ടിക്കൊണ്ടുപോയ ആറു വയസ്സുകാരി അബിഗേൽ സാറ റെജിയെ അച്ഛന് കൈമാറി. എ ആർ ക്യാംപിൽ വച്ചാണ് കുഞ്ഞിനെ അച്ഛന് കൈമാറിയത്. 20 മണിക്കൂറോളം നടത്തിയ തിരച്ചിലിനൊടുവിലാണ് കൊല്ലം ആശ്രാമം മൈതാനത്തുനിന്നാണ് പ്രതികൾ ഉപേക്ഷിച്ച നിലയിൽ അബിഗേലിനെ കണ്ടെത്തിയത്. പ്രഥമ ദൃഷ്ടിയാൽ അവശയായ നിലയിലാണ് കണ്ടെത്തിയതെങ്കിലും വലിയ ആരോഗ്യപ്രശ്നങ്ങൾ കുഞ്ഞിനില്ല. അതെ സമയം കുഞ്ഞിനെ ആശ്രമം മൈതാനത്ത് ഉപേക്ഷിച്ച സ്ത്രീയെ തിരിച്ചറിഞ്ഞു എന്ന റിപ്പോർട്ടും വരുന്നുണ്ട്. ആശ്രമം മൈതാനത്ത് ഇവരെ എത്തിച്ച ഓട്ടോ ഡ്രൈവറും മറ്റൊരാളുമാണ് ഈ സ്ത്രീയെ തിരിച്ചറിഞ്ഞത്. ഇവർ സാമ്പത്തിക തട്ടിപ്പ് പോലുള്ള കേസുകളിൽ ഇവർ പ്രതിയാണെന്നാണ് വിവരം

എസ്എൻ കോളജിലെ വിദ്യാർഥികളാണ് കുട്ടിയെ ആദ്യം കണ്ടത്. കൊല്ലം ഈസ്റ്റ് പൊലീസിന്റെ സംരക്ഷണയിലായിരുന്ന കുട്ടിയെ ആശുപത്രിയിലേക്ക് മാറ്റിയിരുന്നു. വൈദ്യപരിശോധനയ്ക്കുശേഷമാകും അബിഗെലിനെ വീട്ടിലെത്തിക്കുക. അമ്മയും കുടുംബാംഗങ്ങളുമായി അബിഗേല്‍ വിഡിയോ കോളിൽ സംസാരിക്കുകയും ചെയ്തു.