കിണർ ഇടിഞ്ഞ് മണ്ണിനടിയിൽപ്പെട്ട ആളെ രക്ഷിക്കാൻ ശ്രമം തുടരുന്നു

കൊല്ലം: കൊട്ടിയം തഴുത്തലയിൽ കിണർ ഇടിഞ്ഞ് വീണ് ഒരാൾ മണ്ണിൽ കുടുങ്ങി. ആളെ പുറത്ത് എടുക്കാൻ രക്ഷാപ്രവർത്തനം തുടരുകയാണ്. ഇതിനായി കിണറ്റിന് സമീപത്ത് സമാന്തരമായി കുഴിയെടുക്കാനാണ് തീരുമാനിച്ചിരിക്കുന്നത്. കിണർ കുത്തുന്ന ജോലി തുടങ്ങി കഴിഞ്ഞു.

ഇന്നലെ ഉച്ചക്കാണ് കിണറിൽ തൊടി ഇറക്കുന്നതിനിടിയിൽ മണ്ണ് ഇടിഞ്ഞ് യുവാവിന് അപകടം ഉണ്ടായത്. മുട്ടക്കാവ് സ്വദേശി സുധീറാണ് മണ്ണിനടിയിൽപ്പെട്ടത്. നിലവിൽ മണ്ണ് മാന്തി യന്ത്രങ്ങൾ ഉപയോഗിച്ചാണ് രക്ഷാപ്രവർത്തനം. കിണറിന് അറുപതടി താഴ്ചയുണ്ട്.