നിസ്തുലവും നിസ്വാർത്ഥവുമായ സനാതനധർമ്മസേവനങ്ങൾക്ക് വീണ്ടും ആദരവ് ! ആചാര്യശ്രീ മനോജ് ജിയെ ഉത്രാടം തിരുനാൾ ഇൻസ്റ്റിറ്റ്യൂട്ട് ഓഫ് കൾച്ചർ ആദരിക്കുന്നു

തിരുവനന്തപുരം : നിസ്തുലവും നിസ്വാർത്ഥവുമായ സനാതനധർമ്മസേവനങ്ങൾക്ക് ആചാര്യശ്രീ കെ ആർ മനോജ്‌ ജിയെ തേടി മറ്റൊരു ആദരവ് കൂടി. ഉത്രാടം തിരുനാൾ ഇൻസ്റ്റിറ്റ്യൂട്ട് ഓഫ് കൾച്ചറാണ് ഉത്രാടം തിരുനാൾ അനുസ്മരണ പരിപാടിയിൽ വച്ച് അദ്ദേഹത്തെ ആദരിക്കുക.

ഈ വരുന്ന ശനിയാഴ്ച (16/12/2023) വൈകുന്നേരം നാല് മുതൽ ആറ് വരെ കിഴക്കേകോട്ട ലെവി ഹാളിൽ നടക്കുന്ന പത്താമത് ഉത്രാടം തിരുനാൾ അനുസ്മരണ യോഗത്തിന് അശ്വതി തിരുനാൾ ഗൗരി ലക്ഷ്മി ഭായി തമ്പുരാട്ടി തിരി തെളിയിക്കും. ആർ രാമചന്ദ്രൻ നായർ, ശ്രീമാൻ നാരായണൻ, ഡോ. എൻ രാധാകൃഷ്ണൻ, ഡോ. ഷാജി പ്രഭാകരൻ, കെ.വി രാജശേഖരൻ, ബാബു നാരായണൻ, തളിയിൽ രാജശേഖരൻ പിള്ള, പി. സുകുമാരൻ തുടങ്ങിയ നിരവധി പൗര പ്രമുഖർ സമ്മേളനത്തിൽ പങ്കെടുക്കും. ഇന്ദിര ഭായി സുകുമാരൻ നായരുടെ ഈശ്വരപ്രാർത്ഥനയോടെ ആരംഭിക്കുന്ന യോഗത്തിൽ ഡോ. ടി.പി ശങ്കരൻ കുട്ടി നായർ സ്വാഗതവും പ്രൊഫ. കെ.ആർ ഉഷാകുമാരി നന്ദി പ്രസംഗവും നടത്തും