ആളെ അറിയാമോ? കുട്ടിക്കാലചിത്രവുമായി യുവനടി; പണ്ടേ കിടു ലുക്കാണെന്ന് ആരാധകർ

സിനിമ താരങ്ങളുടെ പഴയകാല ചിത്രങ്ങൾ കാണാൻ പ്രേക്ഷകർ ഏറെ താല്പര്യം കാണിക്കാറുണ്ട്. ഇന്ന് കൂടുതലായും മുൻനിര നായികമാരുടെ ചിത്രങ്ങളാണ് ശ്രദ്ധനേടാറുള്ളത്. ഇപ്പോഴിതാ 2016 ൽ പുറത്തിറങ്ങിയ ,’ആനന്ദം’ എന്ന ചിത്രത്തിലൂടെ പ്രേക്ഷക പ്രിയയായി മാറിയ അനാർക്കലി മരക്കാർ തന്റെ കുട്ടിക്കാല ചിത്രം പങ്കുവച്ചിരിക്കുകയാണ്.

‘ഞാൻ തന്നെ’ എന്ന ക്യാപ്ഷനോടെഅനാർക്കലി തന്നെയാണ് ചിത്രം ഇൻസ്റ്റാ​ഗ്രാമിൽ പങ്കുവച്ചത്. പിന്നാലെ നിരവധി പേരാണ് കമന്റുകളുമായി രം​ഗത്തെത്തിയത്. പണ്ടേ കിടു ലുക്കാണല്ലോ എന്നാണ് ആരാധകരുടെ കമന്റ്. അനാർക്കലിയുടെ സഹോദരി ലക്ഷ്മിയും മലയാളികൾക്ക് പരിചിതമായ മുഖമാണ്. ‘നമ്പർ വൺ സ്നേഹതീരം ബാംഗ്ലൂർ നോർത്ത്’ എന്ന ചിത്രത്തിൽ ബാലതാരമായി അഭിനയിച്ചത് ലക്ഷ്മി ആയിരുന്നു. ഇരുവരുടെയും കുട്ടിക്കാലചിത്രങ്ങളും സമൂഹ മാധ്യമങ്ങളിൽ വൈറലാകുകയാണ്.