എഡിജിപി എം ആർ അജിത് കുമാറിന്റെയും പി ശശിയുടെയും സ്വത്തുവിവരം അന്വേഷിക്കണം ! വിജിലൻസ് കോടതിയിൽ പൊതുതാൽപര്യ ഹർജി ; റിപ്പോർട്ട് നൽകാൻ വിജിലിൻസ് ഡയറക്ടർക്ക് നിർദ്ദേശം

തിരുവനന്തപുരം : എഡിജിപി എം ആർ അജിത് കുമാറിന്റെയും മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശിയുടെയും സ്വത്തുവിവരം അന്വേഷിക്കണം എന്നാവശ്യപ്പെട്ട് വിജിലൻസ് കോടതിയിൽ പൊതുതാൽപര്യ ഹർജി. നെയ്യാറ്റിൻകര സ്വദേശി നാഗരാജനാണ് ഹർജി സമർപ്പിച്ചത്.

ഹർജിയിൽ റിപ്പോർട്ട് നൽകാൻ വിജിലൻസ് തിരുവനന്തപുരം കോടതി, ഡയറക്ടർക്ക് നിർദ്ദേശം നൽകി. സമാനമായ പരാതി വിജിലിൻസ് ഡയറക്ടർക്ക് ലഭിച്ചിട്ടുണ്ടോ, അന്വേഷിച്ചിട്ടുണ്ടോ തുടങ്ങിയ കാര്യങ്ങളിൽ റിപ്പോർട്ട് നൽകണമെന്ന് കോടതി നിർദേശം നൽകിയിരിക്കുന്നത്. അടുത്ത മാസം 1 ന് റിപ്പോർട്ട് നൽകണമെന്നാണ് നിർദേശം.

അതേസമയം അന്വേഷണങ്ങൾ വരുമ്പോഴും എഡിജിപി എംആർ അജിത് കുമാറിന് സർക്കാർ സംരക്ഷണം നൽകുന്നത് തുടരുകയാണ്. തൃശ്ശൂർ പൂരം അലങ്കോലപ്പെട്ട സംഭവം അടക്കമുള്ളവയിൽ ആരോപണം നേരിട്ട അജിത് കുമാർ തന്നെയാണ് ഈ സംഭവത്തിൽ അന്വേഷിച്ച് റിപ്പോർട്ട് നൽകിയതും.എഡിജിപിയെ മാറ്റാത്തതിൽ സിപിഐ അടക്കമുള്ള ഘടക കക്ഷികൾക്ക് കടുത്ത അതൃപ്തിയാണ്. പിവി അന്‍വറിന്‍റെ ആരോപണങ്ങളില്‍ മുഖ്യമന്ത്രിയുടെ പൊളിറ്റിക്കല്‍ സെക്രട്ടറി പി ശശിക്കെതിരെയും അന്വേഷണമില്ല.