ജീവിതം മംഗളകരമാക്കാൻ ആദിത്യഹൃദയമന്ത്രം ; ജപിക്കാം ജീവിതം ആനന്ദകരമാക്കാം

സൂര്യഭഗവാനെ പ്രീതിപ്പെടുത്തുന്ന മന്ത്രമാണ് ആദിത്യഹൃദയമന്ത്രം. നിത്യവും ആദിത്യഹൃദയമന്ത്രം ജപിച്ചാൽ ജീവിതത്തിൽ മംഗളകരമായ സംഭവങ്ങള്‍ ഉണ്ടാകുമെന്നാണ് വിശ്വാസം. കൂടാതെ നിങ്ങളെ അലട്ടിക്കൊണ്ടിരുന്ന അലസത അകറ്റി ഉന്മേഷം കൈവരിക്കാൻ സാധിക്കുമെന്നും ആചാര്യന്മാര്‍ പറയുന്നു. എല്ലാ ദിവസവും ആദിത്യഹൃദയമന്ത്രം ജപിക്കുന്നത് ഉത്തമമാണ്. അതിരാവിലെ എഴുന്നേറ്റ് ശുദ്ധിയോടെ കിഴക്കോട്ടിരുന്ന് മന്ത്രം ജപിക്കുക. ദിവസവും 12 തവണ മന്ത്രം ജപിച്ചാൽ വേഗത്തിൽ ഫലസിദ്ധി ഉണ്ടാകുമെന്നാണ് വിശ്വാസം. എന്നാൽ ഉച്ചയ്ക്ക് 12 മണിക്ക് ശേഷം മന്ത്രം ജപിക്കാൻ പാടില്ല.

രാമായണത്തിലെ യുദ്ധകാണ്ഡത്തിൽ പരാമര്‍ശിച്ചിട്ടുള്ള ഈ മന്ത്രം ശ്രീരാമന് അഗസ്ത്യ മുനി ഉപദേശിച്ചു നൽകിയതാണ് എന്നാണ് ഐതീഹ്യം. രാമരാവണ യുദ്ധത്തിൽ രാമൻ തളര്‍ന്ന് ഇരിക്കുമ്പോള്‍ ദേവന്മാരോടൊപ്പം ആകാശത്ത് യുദ്ധം കണ്ടുകൊണ്ടിരുന്ന അഗസ്ത്യ മുനി താഴേക്കുവന്ന് രാമന് മന്ത്രം ഉപദേശിച്ചു നൽകുന്നു. ഇത് മൂന്ന് പ്രാവശ്യം ചൊല്ലിയ രാമന് ശക്തിതിരികെ ലഭിച്ച് രാവണനെ വധിച്ചുവെന്നാണ് ഐതീഹ്യം.