വിനയൻ
മലയാള സിനിമാ മേഖലയിൽ സ്ത്രീകൾ അഭിമുഖീകരിക്കുന്ന പ്രശ്നങ്ങളുമായി ബന്ധപ്പെട്ട് തയ്യാറാക്കിയ ജസ്റ്റിസ് ഹേമ കമ്മിറ്റി റിപ്പോർട്ട് പുറത്തു വന്നതിന് പിന്നാലെ പ്രതികരിച്ച് സംവിധായകൻ വിനയൻ. സമൂഹ മാദ്ധ്യമത്തിൽ പങ്കുവച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം. സിനിമയോടുള്ള ആഗ്രഹം കൊണ്ട് ആ രംഗത്തേക്കു കടന്നു വരുന്ന സ്ത്രീകളെ ചൂഷണം ചെയ്യുന്നതില് നിന്നും അവര്ക്കു സംരക്ഷണം കൊടുക്കേണ്ടതിന്റെ പ്രഥമ കടമ സംഘടനകള്ക്കാണെന്ന് പറഞ്ഞ അദ്ദേഹം , മലയാള സിനിമ മാഫിയാ സംഘമാക്കി മാറ്റാനായി മാക്ട എന്ന സംഘടനയെ തകര്ക്കുകയായിരുന്നുവെന്നും ആരോപിച്ചു.
വിനയന്റെ കുറിപ്പ് വായിക്കാം
ഹേമ കമ്മിറ്റി റിപ്പോര്ട്ട് വെളിയില് വന്നിരിക്കുന്ന ഈ സാഹചര്യത്തില് മലയാള സിനിമയെ ഇന്നും നിയന്ത്രിക്കുന്ന പ്രമുഖരേ.. ദയവായി നിങ്ങളുടെ മനസ്സാക്ഷിയുടെ കണ്ണാടിയിലേക്കൊന്നു നോക്കൂ…. നിങ്ങളുടെ മുഖം വികൃതമല്ലേ…?
സിനിമയോടുള്ള ആഗ്രഹം കൊണ്ട് ആ രംഗത്തേക്കു കടന്നു വരുന്ന സ്ത്രീകളെ ചൂഷണം ചെയ്യുന്നതില് നിന്നും അവര്ക്കു സംരക്ഷണം കൊടുക്കേണ്ടതിന്റെ പ്രഥമ കടമ സംഘടനകള്ക്കാണ്.. അതിലവര് എടുക്കുന്ന നിലപാടുകള് ഏമാനെ സുഖിപ്പിക്കുന്നതാകരുത്. സ്ത്രീ സുരക്ഷ പോലെ തന്നെ ഗൌരവതരമാണ് സിനിമയിലെ തൊഴില് വിലക്കിന്റെ മാഫിയാ വല്ക്കരണം. ആ ഉമ്മാക്കിയാണല്ലോ ഈ പീഡനങ്ങളുടെ എല്ലാം ബ്ളാക്മെയില് തന്ത്രം.
വൈരവിര്യാതന ബുദ്ധിയും പ്രതികാരവും നിറഞ്ഞ നിങ്ങളുടെ ക്രൂര വിനോദത്തിനു വിധേയനായ ഒരാളാണല്ലോ ഞാനും.. നിങ്ങളെ വിമര്ശിച്ചതിന്റെ പേരില്, മുഖത്തു നോക്കി കാര്യങ്ങള് തുറന്നു പറഞ്ഞതിന്റെ പേരില് എന്റെ പന്ത്രണ്ടോളം വര്ഷം വിലക്കി നശിപ്പിച്ചവരാണു നിങ്ങള്.. ഏതു പ്രമുഖന്റെയും മുഖത്തു നോക്കി കാര്യങ്ങള് തുറന്നു പറയാന് ഏതു ജൂനിയര് ആര്ട്ടിസ്റ്റിനും ധൈര്യം കൊടുക്കുന്ന ഒരു സംഘടന മലയാളസിനിമയില് ഉണ്ടായതിന്റെ രണ്ടാം വര്ഷം നിങ്ങള് അതിനെ തകര്ത്ത് നിങ്ങളുടെ ചൊല്പ്പടിക്കു നില്ക്കുന്ന ഒരു സംഘടന ഉണ്ടാക്കിയത് എന്തിനാണ്? അവിടെ നിന്നല്ലേ ഈ തെമ്മാടിത്തരങ്ങളുടേയും ആധുനിക സിനിമാ ഗുണ്ടയിസത്തിന്റെയും വേലിയേറ്റം മലയാള സിനിമയേ കൂടുല് മലീമസമാക്കാന് തുടങ്ങിയത്?
2008 ജൂലൈയില് എറണാകുളം സരോവരം ഹോട്ടലില് നിങ്ങള് സിനിമാ തമ്പുരാക്കന്മാര് എല്ലാം ഒത്തു ചേര്ന്ന് തകര്ത്തെറിഞ്ഞ ”മാക്ട ഫെഡറേഷന്”എന്ന സംഘടനയുടെ സ്ഥാപക ജനറല് സെക്രട്ടറി ആയിരുന്നു ഞാന്. സംഘടന തകര്ത്തിട്ടും വൈരാഗ്യം തീരാഞ്ഞ നിങ്ങള് എന്നെയും വിലക്കി.. നേരത്തേ നിങ്ങളുടെ കണ്ണിലെ കരടായിരുന്ന തിലകന് ചേട്ടന് വിനയന്റെ ഭാഗത്താണ് ന്യായം എന്നു പറഞ്ഞതോടെ അദ്ദേഹത്തെയും നിങ്ങള് വിലക്കി പുറത്താക്കി. അദ്ദേഹത്തിന്റെ മരണശേഷം ഞാന് നിങ്ങടെ വിലക്കിനെതിരെ കോടതിയില് പോയി.. കോമ്പറ്റീഷന് കമ്മീഷന് നിങ്ങള്ക്കെതിരെ വിധിച്ചു.. കോടികള് മുടക്കി നിങ്ങള് സുപ്രീം കോടതി വരെ പോയി കേസു വാദിച്ചപ്പോള് എതിര്ഭാഗത്ത് ഞാന് ഒറ്റപ്പെട്ടു പോയിരുന്നു.. പക്ഷേ സത്യം എന്റെ ഭാഗത്തായിരുന്നു.. അമ്മ സംഘടനയ്ക്കു നാലു ലക്ഷം രൂപയാണ് ഫൈന് അടിച്ചത്..
ഫെഫ്കയുള്പ്പടെ മററു സംഘടനകള്ക്കും പല പ്രമുഖര്ക്കും പിഴ അടക്കേണ്ടി വന്നു ചില പ്രമുഖ നടന്മാര് ശിക്ഷയില് നിന്നും സാങ്കേതികത്വം പറഞ്ഞ് രക്ഷ പെട്ടു എന്നത് സത്യമാണ്.വീണ്ടും തെളിവുകളുമായി അവരുടെ പുറകേ പോകാനൊന്നും ഞാന് നിന്നില്ല.എനിക്ക് എന്റെ ഭാഗം സത്യമാണന്ന് ജനങ്ങളെ അറിയിക്കണമെന്നേ ഉണ്ടായിരുന്നുള്ളു. പക്ഷേ തൊഴില് വിലക്കിനും സിനിമയിലെ മാഫിയാ വല്ക്കരണത്തിനും എതിരെ വന്ന ആ സുപ്രീം കോടതി വിധി അന്ന് നമ്മുടെ മീഡിയകള് ഒന്നും വേണ്ട വിധത്തില് ചര്ച്ച ചെയ്തില്ല എന്നത് എന്നെ അത്ഭുതപ്പെടുത്തിയിരുന്നു. സിനിമയിലെ പ്രമുഖര്ക്ക് അന്നു മീഡിയകളെ കുറച്ചുകൂടി കൈപ്പിടിയില് ഒതുക്കുവാന് കഴിഞ്ഞിരുന്നു എന്നതാണ് സത്യം..
വിമര്ശിക്കുന്നതിന്റെ പേരില് ഫാന്സുകാരെക്കൊണ്ട് വി ഹേറ്റ് വിനയന് എന്ന ഓണ്ലൈന് അക്കൗണ്ട് ഉണ്ടാക്കി എന്നെ തകര്ക്കാന് ശ്രമിച്ച വീരന്മാരാണ് ഇന്നു സമൂഹത്തിന്റെ മുന്നില് ഉടുതുണി ഇല്ലാതെ നില്ക്കുന്നത്.. ഇതു കാലത്തിന്റെ കാവ്യ നീതിയാണ്.മാക്ട ഫെഡറേഷന് അന്ന് ഉണ്ടാക്കിയപ്പോള് പ്രധാനമായും ഉണ്ടാക്കിയ യൂണിയന് ജൂണിയര് ആര്ട്ടിസ്ററുകള്ക്കു വേണ്ടി ആയിരുന്നു.. അവിടെ സ്ത്രീകളായ ആര്ട്ടിസ്റ്റുകള്ക്ക് പ്രത്യേക പരിരക്ഷക്ക് തീരുമാനങ്ങള് എടുത്തിരുന്നു.. ജുനിയര് ആര്ട്ടിസ്റ്റുകളെ സിനിമയില് എത്തിക്കുന്ന ഏജന്റുമാര്ക്ക് കര്ശന നിര്ദ്ദേശങ്ങള് കൊടുത്തിരുന്നു
ചെറിയ ആര്ട്ടിസ്റ്റുകളേയും തൊഴിലാളികളേയും അനാവശ്യമായി ബുദ്ധിമുട്ടിക്കുന്ന താരങ്ങളേയും സംവിധായകരേയും പരസ്യമായി മാക്ട ഫെഡറേഷന് വിമര്ശിക്കുമായിരുന്നു..
അങ്ങനെ ഒരു സംഘടന ഇവിടുത്തെ താരപ്രമുഖര്ക്കും സൂപ്പര് സംവിധായകര്ക്കും അവരുടെ ഉപജാപകവൃന്ദത്തില് പെട്ട നിര്മ്മാതാക്കള്ക്കും കണ്ണിലെ കരടായി.. അങ്ങനെ അവരെല്ലാം എറണാകുളം സരോവരം ഹോട്ടലില് ഒത്തു ചേര്ന്ന് ആ സംഘടനയെ ആവേശത്തോടെ തകര്ത്തെറിഞ്ഞു.. എന്നിട്ട് ഇപ്പോ നടക്കുന്നതു പോലെ അവര്ക്ക് ഇഷ്ടാനിഷ്ടം പെരുമാറാന് കൂട്ടുനില്ക്കുന്ന ഒരു സംഘടനയേ അവരു തന്നെ കാശുകൊടുത്ത് സ്പോണ്സര് ചെയ്ത് ഉണ്ടാക്കി..
ഇതല്ലായിരുന്നോ സത്യം..?
നമ്മുടെ സിനിമാ പ്രമുഖര്ക്ക് നെഞ്ചത്തു കൈവച്ച് ഇതു നിഷേധിക്കാന് പറ്റുമോ?
ക്രിമിനല് പച്ഛാത്തലമുള്ള ഡ്രൈവര്മാരും പിണിയാളുകളുമൊക്കെ എങ്ങനെ സിനിമയില് നുഴഞ്ഞു കേറി എന്ന് നമ്മുടെ സിനിമാ പ്രമുഖര് ഇനിയെന്കിലും സത്യ സന്ധമായി ഒന്നു ചിന്തിക്കുമോ?
ശബരിമല സ്വർണക്കൊള്ളയിൽ കേസെടുത്ത് എൻഫോഴ്സ്മെന്റ് ഡയറക്ടറേറ്റ്. ഇസിഐആർ രജിസ്റ്റർ ചെയ്തു. ഒരു കേസിൽ കള്ളപ്പണം വെളുപ്പിക്കൽ നടന്നിട്ടുണ്ടെന്ന് പ്രാഥമികമായി ബോധ്യപ്പെട്ടാൽ…
തിരുവനന്തപുരം: ശബരിമല സ്വർണ്ണക്കൊള്ള കേസിൽ തന്നെ കുടുക്കിയതാണെന്ന് ഇന്ന് അറസ്റ്റിലായ തന്ത്രി കണ്ഠരര് രാജീവര്. വൈദ്യപരിശോധന പൂർത്തിയാക്കി കൊല്ലം വിജിലൻസ്…
കോഴിക്കോട്: സപര്യ സാംസ്കാരിക സമിതി സംഘടിപ്പിച്ച വിവേകാനന്ദ പുരസ്കാരം കാശ്യപ വേദ റിസർച്ച് ഫൗണ്ടേഷന്റെ വേദവിദ്യ കലണ്ടറിന്. കോഴിക്കോട് അളകാപുരി…
ദില്ലി : വിലക്കയറ്റത്തിനും രൂക്ഷമായ സാമ്പത്തിക പ്രതിസന്ധിക്കുമെതിരെ ഇറാനിൽ ജനരോഷം ശക്തമായതോടെ കടുത്ത നടപടികളുമായി ഭരണകൂടം. ഇറാനിലെ വിവിധ പ്രവിശ്യകളിലേക്ക്…
കഞ്ചിക്കോട് : കിടക്കയിൽ മൂത്രമൊഴിച്ചെന്നാരോപിച്ച് 5 വയസ്സുകാരിയുടെ സ്വകാര്യ ഭാഗത്ത് ചട്ടുകം ചൂടാക്കി പൊള്ളിച്ച രണ്ടാനമ്മ അറസ്റ്റിൽ. ബിഹാർ സ്വദേശിനിയും…
തിരുവനന്തപുരം : ശബരിമല സ്വർണക്കൊള്ള കേസില് നിർണ്ണായക അറസ്റ്റുമായി പ്രത്യേക അന്വേഷണ സംഘം. കേസിൽ ശബരിമല തന്ത്രി കണ്ഠരര് രാജീവരാണ്…