മൂന്നാർ കൈയ്യേറ്റം : സബ് കളക്ടറുടെ ശുപാര്‍ശ അഡ്വ.ജനറലിന്റെ ഓഫീസ് തള്ളി

കൊച്ചി: മൂന്നാര്‍ പഞ്ചായത്ത് നടത്തിയ അനധികൃത നിര്‍മാണപ്രവര്‍ത്തനങ്ങളുടെ പേരില്‍ കോടതിയലക്ഷ്യം ഫയല്‍ ചെയ്യണമെന്ന ആവശ്യം തള്ളി അഡ്വക്കറ്റ് ജനറലിന്റെ ഓഫീസ്.കോടതിയലക്ഷ്യം ഫയല്‍ ചെയ്യണമെന്നാവശ്യപ്പെട്ട് ദേവികുളം സബ് കളക്ടര്‍ ഡോ. രേണുരാജ് നല്‍കിയ ശുപാര്‍ശയാണ് അഡ്വക്കേറ്റ് ജനറലിന്റെ ഓഫീസ് തള്ളിയത്. മൂന്നാറില്‍ ഹൈക്കോടതി ഉത്തരവ് ലംഘിച്ച്‌ മുതിരപ്പുഴയാറിന്റെ തീരത്ത് പഞ്ചായത്ത് നടത്തിയ അനധികൃത നിർമ്മാണ പ്രവർത്തനങ്ങൾക്കെതിരെ കോടതിയലക്ഷ്യ ഹര്‍ജി നല്‍കാന്‍ ദേവികുളം സബ് കളക്ടര്‍ ഡോ.രേണു രാജ് ശുപാര്‍ശ ചെയ്തത്. ഭരണകക്ഷി എംഎല്‍എയായ എസ് രാജേന്ദ്രനുള്‍പ്പടെ ഇടപെട്ട സംഭവമായതിനാല്‍ കോടതിയില്‍ കടുത്ത നിലപാടെടുക്കേണ്ടെന്നാണ് എജിയുടെ തീരുമാനമെന്ന ശക്തമായ ആരോപണവും ഇതിനകം ഉയർന്നുകഴിഞ്ഞു.