ഷുക്കൂർ വധത്തിൽ ജയരാജനെതിരെയുള്ള കൊലപാതക കുറ്റം: കുറ്റപത്രം തയ്യാറാക്കിയത് സിപിഎമ്മിന്റെ കൊലപാതക രാഷ്ട്രീയത്തിനേറ്റ കനത്ത പ്രഹരമെന്ന് രമേശ്‌ ചെന്നിത്തല

തിരുവനന്തപുരം: അരിയിൽ ഷുക്കൂർ വധത്തിൽ സിപിഎം ജില്ലാ സെക്രട്ടറി പി ജയരാജനെതിരെ കൊലപാതക്കുറ്റം ചുമത്തി സിബിഐ കുറ്റപത്രം നൽകിയത് സിപിമ്മിന്റെ അക്രമ രാഷ്ട്രീയത്തിനേറ്റ കനത്ത പ്രഹരമെന്ന് പ്രതിപക്ഷനേതാവ് രമേശ്‌ ചെന്നിത്തല. വളരെ നീചമായാണ് ഷുക്കൂറിനെ കൊലപ്പെടുത്തിയത്.ഷുക്കൂറിനെ പിടികൂടി ഫോട്ടോ അയച്ചുകൊടുത്ത് ആളെ ഉറപ്പുവരുത്തി നടത്തിയ കൊലപാതകം സമൂഹ മനസാക്ഷിയെ ഞെട്ടിക്കുന്നതാണ്. തിരുവനന്തപുരത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.

അടിക്കടി കൊലപാതകം നടത്തുകയും കൊലപാതകികള്‍ക്ക് വീരപരിവേഷം നല്‍കി സംരക്ഷിക്കുകയും ചെയ്യുന്ന സിപിമ്മിന്റെ ശൈലി ഒരു പരിഷ്‌കൃത സമൂഹത്തിന് ചേര്‍ന്നതല്ല. ഇനിയെങ്കിലും ഇക്കാര്യത്തില്‍ സിപിഎം ഒരു പുനര്‍വിചിന്തനത്തിന് തയ്യാറാവണമെന്ന് അദ്ദേഹം ആവശ്യപ്പെട്ടു.