ശിവസേന അംഗം അരവിന്ദ് സാവന്ത് കേന്ദ്രമന്ത്രി സ്ഥാനം രാജിവച്ചു

ദില്ലി: മഹാരാഷ്ട്രയില്‍ ബിജെപി, ശിവസേന സഖ്യം തകര്‍ച്ചയുടെവക്കിലെത്തിയതോടെ ശിവസേനയുടെ അരവിന്ദ് സാവന്ത് കേന്ദ്രമന്ത്രി സ്ഥാനം രാജിവച്ചു. സേന എന്‍ഡിഎ സഖ്യം വിടാനുള്ള നീക്കത്തിന്റെ ആദ്യപടിയായാണ് സാവന്തിന്റെ നടപടിയെന്ന് കരുതുന്നു. ശിവസേനയുടെ പക്ഷമാണ് ശരി. ഇത്തരം മോശം അന്തരീക്ഷത്തില്‍ ഡല്‍ഹിയിലെ സര്‍ക്കാരില്‍ തുടരുന്നത് എന്തിനാണ് അതുകൊണ്ടാണ് കേന്ദ്രമന്ത്രി സ്ഥാനം രാജിവയ്ക്കുന്നതെന്നും അരവിന്ദ് സാവന്ത് ട്വീറ്റ് ചെയ
്തു.
കേന്ദ്രത്തില്‍ ശിവസേനയുടെ പ്രതിനിധിയായി സാവന്ത് മാത്രമാണ് ഉണ്ടായിരുന്നത്. രണ്ടാമത്തെ വലിയ കക്ഷി എന്ന നിലയിലാണ് ശിവസേനയെ സര്‍ക്കാര്‍ രൂപവത്കരണത്തിനു ഗവര്‍ണര്‍ ക്ഷണിച്ചിരിക്കുന്നത്. ഭൂരിപക്ഷമില്ലാത്തതിനാല്‍ സര്‍ക്കാര്‍ രൂപവത്കരിക്കാനില്ലെന്നു ബിജെപി നേതാക്കള്‍ ഇന്നലെ ഗവര്‍ണര്‍ ഭഗത് സിംഗ് കോഷിയാരിയെ കണ്ട് അറിയിച്ചിരുന്നു.

ഇന്നു രാത്രി ഏഴരയ്ക്കകം മറുപടി നല്കാനാണു ശിവസേനാ നിയമസഭാ കക്ഷി നേതാവ് ഏക്നാഖ് ഷിന്‍ഡെയോട് ഗവര്‍ണര്‍ആവശ്യപ്പെട്ടിരിക്കുന്നതെന്നു രാജ്ഭവന്‍ വൃത്തങ്ങള്‍ അറിയിച്ചു. 288 അംഗ സഭയില്‍ കേവലഭൂരിപക്ഷത്തിനു വേണ്ടത് 145 അംഗങ്ങളുടെ പിന്തുണയാണ്.